ՀՈՎՀԱՆՆԻՍՅԱՆԻ ՎԿԱՆԵՐԸ ՍԵՐԻԱՅԻՑ
Այսօր իր ասուլիսի ժամանակ Րաֆֆի Հովհաննիսյանի շտաբի ներկայացուցիչ, ԱԺ ''Ժառանգություն'' խմբակցության ղեկավար Ռուբեն Հակոբյանը անդրադարձավ նախընտրական արշավին ու դրանից բխող մի շարք հարցերի:
Սոցիոլոգիական հարցումների վերաբերյալ բանախոսը նշեց.''Սոցիոլոգիան իսկապես լուրջ գիտություն է, ես ուշադիր հետևել եմ և վերլուծության ենթարկել այդ հարցումների արդյունքները: Եթե նկատել եք, բնակչության զգալի զանգված կա, որն ասում է` կա'մ չեմ քվեարկելու, կա'մ դեռ չեմ կողմնորոշվել: Ինչքան էլ փորձում են մարդկանց համոզել, որ հարցումը գաղտնի է, ոչ ոք չի իմանա այդ մասին, միևնույն է, մարդկանց մեջ վախ կա'',- նկատեց Հակոբյանը:
Ըստ Հակոբյանի` այս երեք շաբաթվա ընթացքում դինամիկորեն աճել է Րաֆֆի Հովհաննիսյանի վարկանիշը, ինչը պատգամավորը պայմանավորում է նրա քարոզարշավով:
Փաստորեն Րաֆֆի Հովհաննիսյանի շտաբի անդամները Րաֆֆու թեկնածու առաջադրվելու հարցը սրտներին շատ մոտ են ընդունել դարձել են ''Հովհաննիսյանի վկա'': Մնում է ասել մի հավատացեք սոցիոլոգիական հարցումներին, այս կյանքում ամեն ինչ չէ որ ''Հնարավոր է'':
ՍՈՍԵ ՉԱՆԴՈՅԱՆ