Հ. ԲԱԲՈՒԽԱՆՅԱՆԸ ՊԱՇՏՊԱՆԵՑ ՍԵՄՅՈՒԵԼ ՋՈՆՍՈՆԻ ՀԵՂԻՆԱԿԱՅԻՆ ԻՐԱՎՈՒՆՔԸ Ն. ՓԱՇԻՆՅԱՆԻՑ
Image may be NSFW.
Clik here to view.
ԱԺ նիստի ժամանակ փորձելով խոցել ՀՀԿ խմբակցության ղեկավար Վահրամ Բաղդասարյանին` վերջինիս` "ընդդիմության գործունեությունից նավթադոլարների հոտ է գալիս" արտահայտության համար, ՀԱԿ խմբակցության պատգամավոր Նիկոլ Փաշինյանը սկսեց մեղադրել ՀՀԿ խմբակցությանը` ընդդիմության հասցեին իբր անհիմն մեղադրանքների համար եւ մեջբերեց հայտնի արտահայտությունը, թե "Հայրենասիրությունը սրիկայի վերջին ապաստանն է"` վերագրելով այն Բենջիամին Ֆրանկլինին:
Նիկոլ Փաշինյանը դրանով փորձում էր մի կողմից ցույց տալ "եռյակից" ավելի ընդդիմադիր լինելու իր կեցվածքը, միաժամանակ հասարակության աչքին երեւալով ինչպես մեծ ինտելեկտուալ, սակայն հայտնվեց ծիծաղելի եւ անհարմար վիճակում: Հաջորդ ելույթում ՍԻՄ նախագահ, ԱԺ ՀՀԿ խմբակցության պատգամավոր ՀԱՅԿ ԲԱԲՈՒԽԱՆՅԱՆՆ ասաց, որ ստիպված է պաշտպանել Սեմյուել Ջոնսոնի հեղինակային իրավունքը, քանի որ Նիկոլ Փաշինյանի մեջբերած խոսքի հեղինակը ոչ թե Ֆրանկլինն է, այլ Ջոնսոնը, որը ծիծաղ առաջացրեց դահլիճում: Հ. Բաբուխանյանը նշեց նաեւ, որ ինչպես Ջոնսոնը, այնպես էլ Ֆրանկլինը իրենց հոդվածներում եւ խոսքում մեծ տեղ էին տալիս հայրենասիրությանը, եւ պետք չէ Ջոնսոնի ասած միտքը նենգափոխել: Հ. Բաբուխանյանը նշեց նաեւ, որ որոշ ընդդիմադիրների գործողություններից իսկապես հարց է ծագում, թե ինչ նպատակի էին ծառայում արտասահմանից մեծ քանակությամբ Հայաստան բերվող ֆինանսական միջոցները եւ, ինչո՞ւ է ստացվում այնպես, որ որոշ ընդդիմադիր գործիչների, պատգամավորների կամ հասարակական կազմակերպությունների գործողությունները համահունչ են հարեւան թշնամի պետությունների ձգտումներին եւ անգամ երազանքներին:
"ՑԱՎՈՔ, ՄԵՐ ԳՈՐԾԸՆԿԵՐՆԵՐԸ ՉԵՆ ՏԱՐԲԵՐՈՒՄ
ԸՆԴԴԻՄՈՒԹՅՈՒՆԸ` ԱՆՀԱՏԻՑ"
Մեկնարկեց ԱԺ 5-րդ գումարման աշնանային հերթական նիստը: Քվորումն ապահովելուց հետո խոսք ուզեց ՀԱԿ պատգամավոր Նիկոլ Փաշինյանը, ով յուրահատուկ սրտացավությամբ սկսեց դոշ տալ "Ժառանգություն" խմբակցության պատգամավորուհի Զարուհի Փոստանջյանի համար, ասելով, որ երբ վերջինս իր ելույթում մեղադրում է ՀՀ նախագահին, չգիտես ինչու, խոսափողն անջատում են, իսկ երբ քննադատում են ընդդիմությանը, խոսափողը չի անջատվում: Նշենք, որ նախորդ քառօրյային ԱԺ ՀՀԿ խմբակցության ղեկավար Վահրամ Բաղդասարյանը եւ նույն խմբակցության պատգամավոր Հայկ Բաբուխանյանը քննադատական խոսքեր էին ասել ընդդիմության գործունեության մասին: ԱԺ նախագահը միջամտելով` ասաց, որ Նիկոլ Փաշինյանի ելույթներն իրեն կամ այլ ՀՀԿ-ականներին դուր չեն գալիս, բայց պատգամավորը, ի տարբերություն Զարուհի Փոստանջյանի, անձնավորված չի խոսում եւ վիրավորական արտահայտություններ չի հնչեցնում: "Բարեկրթության սահմաններն անցնել պետք չէ":
Իր խոսքում Հայկ Բաբուխանյանը ցավով նշեց, որ պատգամավոր գործընկերները չեն տարբերում ամբողջ ընդդիմությունը եւ անհատը. "Ես ամբողջ ընդդիմությանը չեմ մեղադրել, այլ կոնկրետ մեկ անհատին` կոնկրետ գործողության համար: Մեր գործընկերները պետք է պատրաստ լինեն, որ ցանկացած վիրավորանք, հերյուրանք մեր պետության հասցեին պետք է ստանա համարժեք պատասխան մեր կողմից: Եթե կարելի է մեկին թույլ տալ անցնել սահմանները, ապա դա պետք է կանխվի":
ԱՐՄԵՆՈՒՀԻ ՀԱԿՈԲՅԱՆ
