«ՄԵԶԱՆԻՑ ՀԵՏՈ ՊԵՏՔ Է ԳԱՆ ՏԱՂԱՆԴԱՎՈՐ ՈՒ ԼԱՎ ՆՈՐ ՌԵԺԻՍՈՐՆԵՐ».ԱԼԲԵՐՏ ՄԿՐՏՉՅԱՆ
Կինոռեժիսոր, սցենարիստ Ալբերտ Մկրտչյանը համաձայն չէ այն կարծիքների հետ, որ հայկական կինոն անկում է ապրում: Նրա խոսքով`կան շատ երիտասարդներ` եւ′ աղջիկներ եւ′ տղաներ, որոնք նկարահանում են հիանալի ֆիլմեր: Ճիշտ է նրանք նկարահանում են ոչ մեծ ֆիլմեր, այլ կարճամետրաժ, սակայն ըստ Ա. Մկրտչյանի`հետագայում այդ երիտասարդները ստեղծեն նաեւ լիամետրաժ ֆիլմեր.«Անպայման սերնդափոխություն պետք է տեղի ունենա, մեզանից հետո պետք է գան տաղանդավոր ու լավ նոր ռեժիսորներ»,-նշեց ԱԼԲԵՐՏ ՄԿՐՏՉՅԱՆԸ: Նրա խոսքով, եթե երիտասարդներն ունեն երազանք, ապա նրանք անպայման կհասնեն իրենց երազանքին, կարեւորը այն է, որ մարդն ունենա ցանկություն եւ ավյուն.«Հայաստանի ազգային կինոկենտրոնում կյանքը եռում է: Կինոկենտրոնը Գեւորգ Գեւորգյանի գլխավորությամբ եւ ՀՀ մշակույթի նախարարության աջակցությամբ միշտ հայթայթում են ֆինանսներ`լավ ֆիլմեր նկարահանելու համար: Ֆինանսը չի կարող արգելք հանդիսանա, որպեսզի չստեղծվեն լավ ֆիլմեր»,-մեկնաբանեց կինոռեժիսորը:
ԶՎԱՐԹ ԽԱՉԱՏՐԱՅՆ