"ԵՌՅԱԿԻՆ" ՕՐԵՆՍԴՐԱԿԱՆ ԱՇԽԱՏԱՆՔՆԵՐԸ
ՉԵՆ ՀԵՏԱՔՐՔՐՈՒՄ
Արդեն գնալով ակնհայտ է դառնում, որ "եռյակին" ընդհանրապես չի հետաքրքրում օրենսդրական աշխատանքը: Երեկ, հերթական արտահերթ նիստի առաջին ընդմիջումից հետո, ԱԺ նիստերի դահլիճը կիսով չափ դատարկ էր: Հավանաբար, "եռյակի" մոտ մի վատ սովորույթ է ձեւավորվել, եւ վերջիններս իրենց ելույթները հավանաբար տեսնում ու պատկերացնում են միմիայն հանրահավաքներում, որտեղ շատ լավ կարողանում են կոկորդ պատռել` երկրի ու ժողովրդի սոցիալ-տնտեսական հարցերի մասին, իսկ երկրի կարեւորագույն ամբիոնից ելույթներն ու դահլիճից բացակայությունը համարում են բնական: Եթե ՀԱԿ-ն ու "Ժառանգությունը" ընդհանրապես բացակայում էին դահլիճից, ապա ԲՀԿ-ականները մերթընդմերթ մտնում եւ դուրս էին գալիս դահլիճ, ցույց տալով, որ ներկա պատգամավոր կա:
ԱՐՄԵՆՈՒՀԻ ՀԱԿՈԲՅԱՆ