ԱՐՄԵՆ ՄԱՐՏԻՐՈՍՅԱՆԸ ՀԱՄԱՁԱՅՆ ՉԷ ԶԱՐՈՒՀԻ ՓՈՍՏԱՆՋՅԱՆԻ ՀԵՏ
«Ժառանգություն» խմբակցության պատգամավոր Զարուհի Փոստանջյանն այսօր խորհրդարանում նորից հայտարարել է, որ Հայաստանի`ԵՏՄ-ին կողմ քվեարկողները պետական դավաճաններ են: «Իրավունքը» «Ժառանգություն» կուսակցության փոխնախագահ Արմեն Մարտիրոսյանից հետաքրքրվեց` արդյոք նա համամիտ է իր կուսակցի այս հայտարարությանը: «Ես երբեւէ անձնական վիրավորանք չեմ հասցրել ու չեմ հասցնի այլ կարծիք ունեցողներին, բայց ԵՏՄ-ին մեր միացումը բավական խնդրահարույց է ու կարող է սկզիբ դառնալ մեր ինքնիշխանության կորստի»,- ասաց պրն Մարտիրոսյանը:
«Ժառանգություն» կուսակցության փոխնախագահը հայտարարեց, որ պետական դավաճաններ հայտարարությամբ Զարուհի Փոստանջյանը հայտարարել է իր անձնական, այլ ոչ թե կուսակցության տեսակետը:
Սոնա Դավթյան