ՈՒԺԻ ՄԵՋ ՄՏԱՎ 13-ԱՄՅԱ ՍԵՎՅԱՆԻՆ
ԳՐՈՍՄԱՅՍՏԵՐԻ ՏԻՏՂՈՍ ՇՆՈՐՀԵԼՈՒ ՖԻԴԵ-Ի ՈՐՈՇՈՒՄԸ
ԱՄՆ-ի Սենթ Լուիս քաղաքում շարունակվում է Լեւոն Արոնյանի եւ ԱՄՆ-ի ներկայացուցիչ Հիկարու Նակամուրայի միջեւ մրցախաղը: Երկրորդ պարտիայում Հայաստանի հավաքականի առաջատարը խաղում էր սպիտակներով, եւ 50-րդ քայլում հաղթանակի հասավ, հավասարեցնելով ընդհանուր դիմակայության հաշիվը: Իսկ երրորդ պարտիայում գրոսմայստերները բաժանվեցին խաղաղ ելքով: Այս մրցախաղում հաղթանակի համար դասական պարտիաներում տրվում է 4, կայծակնայիններում` 1 միավոր (ոչ-ոքիների համար` համապատասխանաբար 2 եւ 0,5): Ահա թե ինչու խաղացված երեք դասական պարտիաներից հետո հաշիվն անսովոր է` 6:6: Հավելենք, որ գրոսմայստերներն անցկացնելու են չորս դասական եւ 16 կայծակնային պարտիաներ: Մրցամարտի մրցանակային հիմնադրամը 100 հազար դոլար է: Մրցախաղը կավարտվի նոյեմբերի 25-ին: