"ԺԱՌԱՆԳՈՒԹՅՈՒՆՆ" ՈՒ ՆԻԿՈԼ ՓԱՇԻՆՅԱՆԸ ԴԵՄ ԵՆ ՆՎԱԶԱԳՈՒՅՆ ԱՇԽԱՏԱՎԱՐՁԻ ԲԱՐՁՐԱՑՄԱՆԸ
Երեկ Ազգային ժողովի քվեարկությամբ ընդունվեց "Նվազագույն ամսական աշխատավարձի մասին" ՀՀ օրենքում փոփոխություններ կատարելու մասին" ՀՀ կառավարության ներկայացրած օրինագիծը, ըստ որի, 2015 թվականի հուլիսի 1-ից Հայաստանում նվազագույն ամսական աշխատավարձը դառնում է 55 հազար դրամ: Արի ու տես, որ սույն օրենսդրական նախագծին թեպետ 102 պատգամավոր "կողմ" քվեարկեց, բայց, այնուամենայնիվ, 4 պատգամավոր "դեմ" էին` ԱԺ ՀԱԿ խմբակցության պատգամավոր Նիկոլ Փաշինյանը եւ ԱԺ "Ժառանգություն" խմբակցության պատգամավորներ Ռուբեն Հակոբյանը, Զարուհի Փոստանջյանը եւ Թեւան Պողոսյանը: Իհարկե, այստեղ դժվար է որեւէ տրամաբանություն փնտրել, բայց ճիշտ տեղին է հիշել ժողովրդական ասացվածքը. "Կուշտն ինչ գիտի սովածի հալը":
ՀՐԱՆՏ ՍԱՐԱՖՅԱՆ
