ԲՀԿ ՊԱՏԳԱՄԱՎՈՐԸ ԴԵՄ Է ԵՏՄ-Ի ԱՆԴԱՄԱԿՑՈՒԹՅԱՆԸ
`ՉԻՄԱՆԱԼՈՎ` ԻՆՉԻ ՄԱՍԻՆ Է ԽՈՍՔԸ. ՏԵՍԱՆՅՈՒԹ
ԲՀԿ պատգամավոր, Ռուստամ Գասպարյանը մինչ խորհրդարանում Հայաստանի`ԵՏՄ-ի անդամակցության պայմանագրի վավերացումը հայտարարել էր, որ դեմ է քվեարկելու այդ պայմանագրին: Սակայն քվեարկությանը պրն Գասպարյանը չմասնակցեց: «Իրավունքը» պատգանամավորից հետաքրքրվեց` ինչու չմասնակցեց քվեարկությանը եւ հստակ չարտահայտեց իր դիրքորոշումը: «Ես հիմա էլ եմ դեմ այդ անդամակցությանը, բայց ոչ Ռուսաստանին: Ուզենք-չուզենք, պետք է կախվենք Ռուսաստանից, բայց այս պայմաններով միանալ ԵՏՄ-ին, դեմ եմ: Մենք ոչ մի պայման չենք կարող դնել Ռուսաստանին»,- ասաց պատգամավորը:
Զարմանալի է, բայց Ռուստամ Գասպարյանը առանց ուսումնասիրելու ԵՏՄ-ի պայմանագիրը դեմ է արտահայտվում այդ կառույցին Հայաստանի անդամակցելուն:
Մանրամասները`տեսանյութում:
ՍՈՆԱ ԴԱՎԹՅԱՆ