ԼՏՊ-ԻՆ "ՊԱԼՈԺ" ՉԻ՞ ԵՐԹԻ ՄԱՍՆԱԿՑԵԼԸ
Դեկտեմբերի 10-ին ոչ իշխանական "եռյակն" անցկացրեց հանրահավաք-երթ` նվիրված Մարդու իրավունքների օրվան: Ուշագրավ էր այն, որ "եռյակի" մաս կազմող ուժերի ղեկավարներից միայն "Ժառանգություն" կուսակցության նախագահ Րաֆֆի Հովհաննիսյանն էր ներկա: Իսկ թե ինչո՞վ էր պայմանավորված, որ ՀԱԿԿ առաջնորդ Լեւոն Տեր-Պետրոսյանը չեկավ ու չմասնակցեց երթին, "Իրավունքը" հետաքրքրվեց ՀԱԿԿ խոսնակ ԱՐՄԱՆ ՄՈՒՍԻՆՅԱՆԻՑ.
-Նախ` դա երթ էր, եւ սովորաբար, ինչպես եւ անցած տարիներին, Լեւոն Տեր-Պետրոսյանը չի մասնակցում:
- Ի դեպ, ինչպե՞ս կգնահատեք այն, որ "եռյակի" երթին այս տարի մասնակցում էր այնքան մարդ, որքան անցած տարի միայնակ ՀԱԿ-ն էր կարողացել հավաքել:
- Մեր բոլոր հանրահավաքներն էլ ազդեցիկ են` լինի դա մենակ, թե քաղաքական մեր գործընկերների հետ միասին:
ՀՐԱՆՏ ՍԱՐԱՖՅԱՆ