ՐԱՖՖԻՆ ԺՈՂՈՎՐԴԻ ՈՐԵՎԷ ՊԱՀԱՆՋ ԱՌԱՋ ՉԻ ՔԱՇՈՒՄ
Image may be NSFW.
Clik here to view.
Այսօր «Ժառանգության» անդամ Թևան Պողոսյանը չներկայացավ ՀՀԿ անդամ Մանվել Բադեյանի հետ համատեղ ասուլիսին: Պատճառը. Ազատության հրապարակում Րաֆֆի Հովհաննիսյանի համար վրան տեղադրելու հետ կապված իրարանցումն էր:
Մանվել Բադեյանը, անդրադառնալով Ր. Հովհանիսյանի հետ կապված իրադարձություններին ասաց.
«Չգիտեմ, թե ինչու ընտրությունները իրենց դուր չեն եկել, ինչու են համարում, որ հաղթողը Րաֆֆին է, որևէ փաստարկ ներկայացված չկա: Ինչ վերաբերվում է Րաֆֆիի պահվածքին, ապա եթե իր այդ պահվածքով փորձում է ուժ կիրառել իշխանությունների վրա, ինձ համար նույնիսկ անընդունելի բառը այն չէ: Եթե նույնիսկ ընտրված նախագահը աթոռը զիջելու ցանկությունն ունենա՝ իհարկե չի ունենա, բայց նույնիսկ եթե այդ ցանկությունը ունենա՝ իրավունք չի ունենա, որովհետև հանրության ճնշող մեծամասնությունը իրեն են ձայն տվել: Շանտաժի ճանապարհը, որ ընտրվելէ, ոչ մի երկրում, ոչ մի ժամանակներում արդյունքի չի բերել և չի էլ բերի: Րաֆֆին արտահայտում է ժողովրդի որոշ հատվածի շահերը և լավ կլիներ, որ ա՛յդ շահերը, որպես պահանջ, ոչ թե պայման, այլ որպես պահանջ առաջ քաշեր, որովհետև նորից գալու է հուսալքման շրջանը: Ըստ էության ժողովրդի որևէ պահանջ առաջ չի քաշում այս մարդը, միայն պայման է դնում, որ իշխանափոխություն լինի: Սա հանրության մի ստվար հատվածի կողմից դիտարկվում է որպես խնդիրների փոխակերպում, որովհետև ժողովուրդը առաջ է քաշում մի շարք սոցիալական և ինչու չէ՝ քաղաքական պահանջներ, մինչդեռ այդ հարցերը առաջ չեն բերվում, առաջ է բերվում սրան փոխակերպող մի պայման, որը ժողովրդի խնդիրներից շատ հեռու է»:
«Շրջապատը անընդպատ դրդում է նրան ավելի ակտիվ, ագրեսիվ պահվածքի, նա իհարկե չի արդարացնում այդ շրջապատի նկրտումները այնպես, ինչպես իրենք են ցանկանում: Ընդդիմության մեջ կան այդ տեսակ մարդիկ, որ անպայման ուզում են ագրեսիա դրսևորել՝ Րաֆֆին չի գնում դրանց ընդառաջ, բայց պարտադրում են և ինքը մի տեսակ փակուղի է ընկել և ինչ որ մի բան պիտի անի: Իմ կարծիքով սխալ ճանապարհ ընտրեց, որը ոչ մի լավ բան չի բերի, բայց դեռ ուշ չի, որովհետև նախագահի մոտեցումը, որը դեռ հնարավորություն տալիս է շարունակել երկխոսությունը»:
Չնայած, որ Րաֆֆի Հովհաննիսյանը «ամերիկայի մարդ» լինելու համբավ ունի, այնուամենայնիվ Մանվել Բադեյանը չի կարծում, որ ներկա իրավիճակը կարող է դրանով թելադրված լինել.
«Բացարձակապես բացառում եմ այն հնարավորությունը, որ ամերիկացիները այդ կերպ կակտիվացնեն Րաֆֆիին, որովհետև նրա պահվածքը տրաբանական չի, սա զուտ մարդու էմոցիանալ պահվածք է՝ կապված է մարդու էմոցիոնալ նկարագրի հետ»:
«Իրավունք»-ի հարցին.կարող են արդյոք անդրադառնալ Հայաստանում տեղի ունեցող ներքաղաքական խմորումները երկրի կշռի վրա արտաքին հարաբերություններում, Մանվել Բադեյանը պատասխանեց.
«Գիտեք բոլոր դեպքերում տհաճ բան է, երբ որ երկփեղկվածություն է մի երկրում, իհարկե այդ երկրի ձայնը ավելի ցածր է հնչում միջազգային տարբեր ատյաններում, բայց չեմ կարծում, որ օտարերկրյա «գնահատողներն» էլ կարծում են, որ հասարակությունը շատ երկփեղկված է այն պատճառով, որ Րաֆֆին նստել է հացադուլի, մանավանդ որ առաջին անգամը չի և առաջին մարդը չի»:
Մարինե Բարսեղյան
