ՍՈՒՐ ՇՆՉԱՌԱԿԱՆ ՀԻՎԱՆԴՈՒԹՅՈՒՆՆԵՐԻ ԿՐԿՆԱԿԻ ԱՃ Է ԴԻՏՎԵԼ
"Ընթացիկ տարվա փետրվարից հանրապետությունում սուր շնչառական վիրուսային հիվանդություններով, այդ թվում գրիպով նախորդ տարվա համեմատությամբ հիվանդացության մակարդակի կրկնակի աճ է դիտվել: Սակայն դպրոցների գարնանային արձակուրդներին հաջորդող օրերին նկատվել է հիվանդացության նվազում, ինչի մասին փաստում են փետրվարի 19-ից մինչեւ մարտի 22-ը իրականացված մշտադիտարկման արդյունքները",- մեզ հետ զրույցում նշեց ՀՀ ԱՆ մամուլի խոսնակ Անահիտ Հայթայանը:
Տիկին Հայթայանի խոսքերով.
"Վերջին շաբաթվա ընթացքում իրականացվել է լաբորատոր 86 հետազոտություն, որի արդյունքում 20 դեպքում հայտնաբերվել է գրիպի Ա H1N1 ենթատեսակը (խոզի գրիպ), 25-ի դեպքում` գրիպի Բ տեսակը, իսկ մնացած դեպքերում գրիպի հարուցիչներ չեն հայտնաբերվել:
ԻԼՈՆԱ ԱԶԱՐՅԱՆ