ՙՙԱԼՏԵՐՆԱՏԻՎ ՙԵՐԴՄՆԱԿԱԼՈՒԹՅՈՒՆԸ՚ ԿԱՏԱՐՅԱԼ ԱԲՍՈՒՐԴ Է
ՀՀ վերընտրված նախագահ Սերժ Սարգսյանի դեմ պայքարը ՙԺառանգություն՚ կուսակցության կողմից շարունակվում է: Ապրիլի 9-ին Ազատության հրապարակի նախագահը թերեւս ալտերնատիվ ՙերդմնալություն՚ կիրականացնի: Նման քայլի վերաբերյալ եւ ներքաղաքական այլ թեմաների շուրջ զրուցեցինք ԱԺ փոխնախագահ, ՀՀԿ մամլո խոսնակ ԷԴՈՒՐԱԴ ՇԱՐՄԱԶԱՆՈՎԻ հետ.- Ալտերնատիվ ՙերդմնակալությունը՚ կատայալ աբսուրդ է, անլրջություն ու կապ չունի քաղաքական պայքարի հետ: Դա քաղաքական կապրիզ է: Նա ինքն իրեն մտցրել է քաղաքական փակուղու մեջ:
- Ինչպես կգնահատեք ընդդիմության, հատկապես ՙԺառանգության՚ այսօրվա պահվածքը:- Ընդդիմությունը բազմաշերտ է: Եթե ընդդիմություն ասելով ենթադրենք միայն Րաֆֆի Հովհաննիսյան, ապա դա այդպես չէ: Շուտով մենք բացահայտ կտեսնենք, որ ընդդիմությունում պայքարում են իրար դեմ: Րաֆֆի Հովհաննիսյանի շարժմանը նույն ՀԱԿ-ը չի միանում:
- Իսկ Նիկոլ Փաշինյանը:
- Ես չգիտեմ, թե որքանով է Նիկոլ Փաշինյանը ներկայացնում ՀԱԿ-ի դիրքորոշումը, որովհետեւ ՀԱԿ-ի պաշտոնական դիրքորոշում հայտնող մարդիկ Ազատության հրապարակում չեն երեւում, ասեմ ավելին` ՀԱԿ խմբակցության որոշ ներկայացուցիչներ նրա իրականացրած պայքարի մեթոդները քննադատում են:
- Ի±չ կասեք ՀՅԴ-ի Րաֆֆի Հովհաննիսյանին միանալու, ապա առանձին ցուցակով Երեւանի ավագանու ընտրություններին մասնակցելու մասին, արդյոք սա հարված ու խաբեություն չէր ՙԺառանգություն՚ կուսակցության, իսկ ավելի կոնկրետª Րաֆֆի Հովհաննիսյանի հանդեպ:
- Ես չեմ կարող ասել, թե նրանք ինչ են պայմանավորվել, այդ իսկ պատճառով կոռեկտ չեմ համարում բարձրաձայն, հրապարակային գնահատականներ հնչեցնել: Դա իրենց ներքին խնդիրն է, ուզում են թող միանան, ուզում են թող բաժանվեն: Մենք չենք խառնվում ընդդիմության մարտավարությանը: Փաստն այն է, որ Երեւանի ավագանու ընտրություններում նա կգնա իրական երկրորդը լինելու համար, պառլամենտի ընտրություններում ՙԲարգավաճ Հայաստանը՚ կարողացավ զբաղեցնել երկրորդ տեղը, նախագահական ընտրություններին երկրորդ տեղն արդեն զբաղեցրեց ՙԺառանգության՚ առաջնորդը: Հիմա ՙԲարգավաճ Հայաստանը՚ հայտարարում է, որ եթե միավորում լինի, ապա միայն իր առանցքի շուրջ, ՙԺառանգություն՚ կուսակցությունը հայտարարում է, որ ինքն է ժողովրդի իղձն իրականացնողը: Այդ իմաստով շատ տեսանելի է, որ ընդդիմադիր էլեկտորատին տիրանալու համար պայքար կգնա այլընտրանքային կուսակցության եւ մնացած ընդդիմադիր կուսակցությունների միջեւ:
- Քանի որ խոսեցիք ՙԲարգավաճ Հայաստան՚ կուսակցության մասին, ապա նկատենք, որ Մարզահամերգային համալիրում կայանալիք երդմնակալության արարողությանը նա ձեռնպահ քվեարկեց: Ի±նչ եք կարծում, ինչ է սա նշանակում:
- Նշանակում է, որ ՙԲարգավաճ Հայաստանը՚, որը խորը քաղաքական քնի մեջ էր ձմռանը, արթնանալու փորձեր է կատարում ու չի կարողանում կողմնորոշվել, թե ինչ անել: Ինչին են ձեռնպահ քվեարկել: Եթե հատուկ նիստին են ձեռնպահ քվեարկել, ապա դա Սահմանադրության պահանջն է, թող բացեն ու համապատասխան հոդվածները կարդան: Այստեղ կողմնորոշման խնդիր կա, նրանք պետք է կողմնորոշվեն, ինձ համար դա անհասկանալի է ու կարծում եմ հասարակության համար է անհասկանալի: Եթե նրանք դեմ են, թող ասեն` դեմ ենք, եթե գտնում են, որ ընտրությունները լեգիտիմ չեն, թող ասեն` այս նախագահը լեգիտիմ չէ, եթե ուզում են ասել` լեգիտիմ է, թող հենց այդպես էլ արտահայտվեն: Անհասկանալի էª ՙոչ իշխանություն, ոչ ընդդիմություն՚, մանավանդ նման ձեւակերպումը, ու ես մեկնաբանությունները նայել եմ, ու այդ ձեռնպահ լինելու պատճառները որեւէ մեկը չի բացատրել:
- Ասացիք, որ ամեն մեկը ցանկանում է իր առանցքի շուրջ բոլորին հավաքել: Եթե դիտարկենք ու հետեւենք իրադարձություններին, կտեսնենք, որ գաղափարապես նրանք նույնն են, սակայն միավորում, որպես այդպիսին, չի ստացվում:
- Ես այնտեղ գաղափար չեմ տեսնում: Իշխանափոխությունը գաղափար չէ եւ ավելին, իշխանափոխությունը հեղափոխություն էլ չէ: Մենք պետք է տարբերակենք իշխանափոխություն ու հեղափոխություն: Իշխանափոխությունը կարող է լինել գործիք, կարող է լինել միջոցª գաղափարներն իրականացնելու համար, հենց դրա համար քաղաքական ուժերի միավորման կամ քաղաքական քննարկումների մեջ քաղաքական օրակարգ չեմ տեսնում:
- Կարո±ղ եք արդյոք կանխատեսել Րաֆֆի Հովհաննիսյանի հաջորդ քայլը:
- Ես դա չեմ կարող ասել, կարծում եմ, դա ինքն ու իր գործընկերներն էլ կդժվարանան ասել, որովհետեւ քաղաքական խաղից դուրս, դու քեզ մտցնում ես փակուղի ու ամեն ինչ տանում ես դեպի էմոցիոնալ, հուզական դաշտ, ապա չգիտեմ, թե ինչ կարող է լինել: Ես ինքս սովոր եմ հաշվարկել քաղաքական քայլերը, իսկ նա քաղաքական քայլ չի անում, նա հենց իր այն արտահայտությամբ` ՙմիայն իմ դիակի վրայով՚, հենց դա է փաստում: Ես որպես քրիստոնյա մարդ, կարող եմ ասել, որի մարտի31-ին մեզ մոտ Սուրբ Զատիկ է, ու կարծում եմ, որ այդ օրը բոլորի միջից վատ մտքերը դուրս կգան:
- Ինչպե±ս կգնահատեք ԱԺ նիստերի դահլիճում ընդդիմադիր ուժերի անկարգ պահվածքը: Արդյո±ք սա ՙնարնջագույն՚ հեղափոխության մեթոդիկա է:
- Ես օգտվելով իմ` նախագահողի իրավունքից, ընդմիջել եմ Զարուհի Փոստանջյանի ելույթը, ես իմ վաքագծով ու գործողությամբ իմ կարծիքը արտահայտել եմ: Կարծում եմ, նույնիսկ հետընտրական զարգացումներն են անցյալում, նարնջագույն է, կանաչ, թե ծիրանագույն, ինչ ասեմ, լեգալ ընտրությունների արդյունքում, որն ամրագրվել է թե° միջազգային դիտորդների գնահատականներով, թե° աշխարհի տարբեր անկյուններից եկած շնորհավորական ուղերձներով եւ թե° ամենակարեւորը` մեր Սահմանադրական դատարանի վճռով, նախագահ է վերընտրվել գործող նախագահը: Որեւէ մեկը ո°չ ինձ ու ո°չ էլ ձեզ չի կարող փաստ ներկայացնել, որ կա հակառակ կարծիք:
- Մարտի մեկի գործով նոր հանձնաժողովի ստեղծմանը թե° ընդդիմադիր ու թե° իշխանական կողմերի կողմ քվեարկելն ինչպե±ս կմեկնաբանեք:
- Այստեղ խնդիրն այլ էª բոլոր կողմերը, այդ թվում նաեւ ՀՀԿ խբակցությունը շատ հստակ ասել է, որ մենք պետք է ամեն ինչ անենք, որ քաղաքական ձեւակերպումներից դուրս գան, որ լինեն բացառապես իրավական ձեւակերպումներ, ես այդ հարցում չեմ ցանկանում խորանալ, քանի որ դրա մասնագետը չեմ, մանավանդ հանվել են քաղաքական ձեւակերպումները: Ես այդ քայլը դրական եմ համարում, եթե կարող են ինչ-որ բան բացահայտել, գտնել ու հայտարարել: Դա տվյալ հանձնաժողովի խնդիրն է, ես բոլորին արդյունավետ աշխատանք եմ ցանկանում:
- Եզրափակելով հարցազրույցը` եւս մի հարց ընդդիմության վերաբերյալ: Ապրիլի ութին պետք է տեղի ունենա ՙմիլիոնանոց երթ՚, արդյոք հնարավոր է այդքան մարդ հավաքել:
- Ընդդիմությունը հակասում է ինքն իրեն, ասում են, որ Հայաստանում սուր արտագաղթ է ու մարդ չի մնացել, եւ հետո էլ նշում են, որ մեկ միլիոն մարդ են հավաքելու: Հետաքրքիր է, թե դա ինչպես է լինում:
ՍՈՍԵ ՉԱՆԴՈՅԱՆ