ՔՎԵԱՐԿՈՒԹՅՈՒՆԸ ԸՆԹԱՆՈՒՄ Է ԱՌԱՆՑ ԼՈՒՐՋ ՄԻՋԱԴԵՊԵՐԻ
Այսօր՝ մայիսի 5-ին, Նոր-Խարբերդի 12/34 և 12/37 տեղամասերում ընտրական գործընթացը ընթանում է բնականոն հունով: Այդ մասին «Իրավունք»-ի հետ զրույցում նշեցին տվյալ տեղամասերի հնձնաժողովների նախագահներ՝ Աշոտ Կիրակոսյանը և Սուրեն Մարտիրոսյանը:
Սուրեն Մարտիրոսյանը հավելեց, որ իրեն անհանգստացնում են միայն մարդկանց կուտակումները դրսում, իսկ տեղամասի ներսում վերահսկողությունը խիստ է և իրականացվում է հավուր պատշաճի:
Ժամը 16:00-ի սահմաններում տվյալ տեղամասերում արդեն հասցրել էին քվեարկել մոտ 1200 քաղաքացի: Տեղամասում աշխատում են վստահված անձինք գրեթե բոլոր ներկայացված քաղաքական ուժերի կողմից, բացառությամբ՝ «Առաքելություն» կուսակցության:
«Իրավունք»-ի հարցին, թե ինչպես է ընթանում քվեարկությունը, վստահված անձինք՝ այդ թվում ԲՀԿ-ի, ՀՅԴ-ի և ՀԱԿ-ի, պատասխանեցին, որ քվեարկությունը ընթանում է բնականոն հունով և ոչ մի արտառոց բան չի նկատվում:
ՄԱՐԻՆԵ ԲԱՐՍԵՂՅԱՆ
