ՀԱԿ-Ը ԸՆԴԴԻՄՈՒԹՅՈՒՆ Է ԺԱՌԱՆԳՈՒԹՅԱՆԸ
Այսօր Ալեքսանդր Իսկանդարյանը անդրադառնալով ավագանու ընտրություններին ասաց, որ փետրվարյան և մայիսյան ընտրություների միջև զգացվեց Րաֆֆի Հովհաննիսյանի հավաքած քվեների ահռելի տարբերություն: «Երբ կուսակցությունը աշխատում է ընտրությունից ընտրություն հետևանքն այսպիսին է լինում: Հանցն այն է, թե ինչ կլինի սրանից հետո, կձևավորվի լուրջ ընդդիմադիր ուժ, թե ոչ»: Քաղաքագետը նշեց, որ քաղաքական և սոցյալական դժգոհությունները պետք է տարանջատել, սոցյալական դժգոհությունը առկա է միշտ, կյանքի տարբեր բնագավառներում, բայց պետք է ճիշտ հնար մտածել դա քաղաքական դաշտում օգտագործելու համար.« Րաֆֆի Հովհաննիսյանը չկարողացավ օգտագործել իր շուրջը համախմբված մարդկանց դժգոհության ալիքը»:
Խոսելով ՀԱԿ-ի մասին Ալեքսանդր Իսկանդարյանը ասաց, որ այն ընդդիմություն չէ, այն ընդդիմանում է միայն Րաֆֆի Հովհաննիսյանի «Ժառանգությանը» և նրանք այդպես պայքարում են միմյանց դեմ:
«Իրավունք»-ի հարցին, թե ինչպիսի՞ն է ԲՀԿ-ի ներսում գոյություն ունեցող քաղաքական թևի վրա բիզնես թևի ազդեցությունը, Ալեքսանդր Իսկանդարյանը ասաց.
« Կուսակցություններ, որոնք բաժանված չեն ներսում և միանձնյա է որոշումներն ընդունվում լինում են կոմունիստական և ֆաշիստական երկրներում: Որովհետև այնտեղ որոշումները ընունում է մեկ մարդ: Ցանկացած այլ իրավիճակում, այլ երկրներում գոյություն ունեն հակասություններ, այլ կերպ չի լինում: Հակասություններ գոյություն ունեն ԱՄՆ-ի Դեմոկրատական կուսակցության ներսում, բացառապես բոլոր քաղաքական կուսակցությունների ներսում, դա կլասիկա է: Իսկ հայկական քաղաքական կուսակցությունները Մարսի վրա չեն ապրում և այդ ամենը նրանց ևս չի շրջանցում»:
ՄԱՐԻՆԵ ԲԱՐՍԵՂՅԱՆ