"ԱՍՏՎԱԾ ՊԱՀԱՊԱՆ ՄԵՐ ԺՈՂՈՎՐԴԻՆ ՈՒ ԲԱՐԵՐԱՐԻՆ"
Աբովյան քաղաքում տեղի ունեցավ նորաբաց Սուրբ Հովհաննես Մկրտիչ եկեղեցու օծման արարողությունը, որին ներկա էին բարձրաստիճան հյուրեր, քաղաքական եւ մշակույթի գործիչներ: "Իրավունքի" այն հարցին, թե ի՞նչ զգացողություններ ունի ԱԺ փոխնախագահ ԷԴՈՒԱՐԴ ՇԱՐՄԱԶԱՆՈՎԸ, գտնվելով եկեղեցու բացմանը, վերջինս նշեց.
- Աստծո տաճար ենք եկել, ուրեմն` շատ բարի եւ աստվածային զգացողություններով ենք այստեղ: Թող Աստված բոլորիս պահապան լինի` թե՛ բարերարին, թե՛ ժողովրդին, թե՛ ամբողջ հայ ազգին:
- Պարոն Ծառուկյանը իր խոսքում ասել է, որ այս կերպ, այս արարողակարգը կնպաստի նաեւ նրան, որ բոլորը ուժերը միավորեն եւ միասնական հանդես գան: Ի՞նչ կասեք այս մասին:
- Ես բարձր եմ գնահատում բոլոր այն մարդկանց, ովքեր նման ցանկություն ունեն ու ցանկանում են միավորվել:
ԱՐՄԵՆՈՒՀԻ ՀԱԿՈԲՅԱՆ