ՀԱՅԵՐԻ ՀԵՏ ՇՓՈՒՄՆԵՐԸ ԴԱՏԱՊԱՐՏՈՂ` ՉԳՐՎԱԾ ՕՐԵՆՔԸ
Այսօր Ադրբեջանական հարցերով փորձագետ Սարգիս Ասատրյանը ասաց, որ Ադրբեջանում վաղուց գործում է չգրված օրենք, որը դատապարտում է շփումները հայերի հետ: Իսկ այս օրերին ադրբեջանական մամուլը լուրեր էր տարածել, որ կառավարության կողմից ընդունվել է հայերի հետ ադրբեջանցինրի սերտ շփումները դատապարտող, քրեական պատասխանատվության ենթարկող օրինագիծ, այս լուրին սակայն, շուտով ադրբեջանական կողմը պաշտոնապես հերքում տվեց: Փորձագետի կարծիքով, սա մի խաղ էր միաջազգային հանրության արձագանքը ստուգելու համար, բայց արձագանք չեղավ և այս լուրը լայն քննարկման առարկա դարձավ միայն հայկական և ադրբեջանական լրատվամիջոցներում: Ադրբեջանական շատ փորձագետներ նույնիսկ ասացին, որ նման օրինագիծ ընդունելու դեպքում Ադրբեջանը կբացառի Ղարաբաղյան խնդրի խաղաղ լուծման տարբերակը բանակցությունների միջոցով: Ինչ վերաբերվում է ադրբեջանի հասարակության մեծամասնությանը, ապա սարգիս Ասատրյանի կարծիքով նրանք կարող էին ոգևորություն ապրել տեղեկանալով նման օրինագծի մասին, քանի որ ծննդյան օրվանից նրանց մեջ սերմանում են ատելություն հայերի նկատմամբ:
ՄԱՐԻՆԵ ԲԱՐՍԵՂՅԱՆ