Հանրապետական պատգամավորն անբարոյական անվանեց Զարուհի Փոստանջյանին
Սարսափելի է, երբ անբարոյականները խոսում են բարոյականության մասին: Նման հայտարարությամբ այսօր՝ մայիսի 22-ին, ՀՀ Ազգային Ժողովում հանդես եկավ հանրապետական պատգամավոր Վահրամ Բաղդասարյանը՝ ի պատասխան երեկ «Ժառանգություն» խմբակցության անդամ Զարուհի Փոստանջյանի կողմից ՀՀ գլխավոր դատախազ Աղվան Հովսեփյանին խարդախ անվանելու:
«Ինչ-որ պատահական մարդիկ կարող են վիրավորել իշխանությանը, իշխող կուսակցությանը... Ազգային Ժողովը բավարարվելու տեղ չէ, դրա համար միջոցներ կան…»,- հայտարարեց Վ. Բաղդասարյանը:
Ավելի վաղ Զարուհի Փոստանջյանը խարդախ է անվանել ՀՀ Գլխավոր դատախազ Աղվան Հովսեփյանին, ինչպես նաեւ հավելել է, որ կանաչի ու լոլիկ է վաճառում, անօրինական ՀԷԿ-եր կառուցում: