ՎԱՐԴԱՆ ՂՈՒԿԱՍՅԱՆԻՆ ԷԼԻ ՍՊԱՌՆՈՒՄ ԵՆ ԴԱՏԻ ՏԱԼ
Գյումրու նախկին քաղաքապետ Վարդան Ղուկասյանի դստեր փեսացու Կարեն Եսայանի սպանության գործով մեղադրյալ Հարություն Սարգսյանի մայրը` Անահիտ Նիկոլյանը, օրերս դատարանում Վ. Ղուկասյանի որդուն` Սպարտակին էր մեղադրել այդ սպանության մեջ: Դրան հետեւեց Վարդան Ղուկասյանի գրասենյակի արձագանքը, ըստ որի. ՙԲոլորին էլ պարզ է, որ ամբաստանյալի մայրը, չունենալով որդուն արդարացնող հստակ եւ անհերքելի փաստարկներ, դիմում է ցանկացած միջոցի, այդ թվում` շինծու եւ, անգամ, անառողջ մտքերի տարածմանը: Այդ տիկինն այնքան է չափն անցնում, որ կատարելագործելով իր բանսարկությունը` հնարում է միայն իրեն հայտնի ինչ-որ խոսակցության ինչ-որ մանրամասներ՚:
Դասպասելի ռեակցիա էր, ուստիեւ տիկին ԱՆԱՀԻՏԻՑ պարզել, թե ինչպե±ս է վերաբերվում այդ մեղադրանքներին:
- Մենք պատրաստվում ենք դատի տալ հայտարարության հեղինակներին: Բոլորին է հայտնի, որ իմ որդու դեմ ներկայացված մեղադրանքներն անհիմն են, եւ չկան ապացույցներ: Ես հիմա էլ պատրաստ եմ կրկնել դատարանում ասված իմ խոսքերը:
- Բայց ինչու եք Սպարտակ Ղուկասյանին մեղադրում:
- Ես ո°չ նրան, ո°չ էլ Վարդան Ղուկասյանին անձամբ չեմ ճանաչում եւ ասել եմ այն, ինչ քաղաքում շատերն են խոսում, ոմանք էլ վախենում են խոսել:
Հիշեցնենք, որ Հարություն Սարգսյանի հայրը Անիի տարածաշրջանի նախկին ոստիկանապետն է: Ուստիեւ փորձեցինք նրանից մասնագիտական բնույթի պարզաբանումներ խնդրել իր կնոջ` տիկին Անահիտի դատարանում արված մեղադրանքների հետ կապված: Սակայն Անիի նախկին ոստիկանապետ Սամվել Սարգսյան չցանկացավ խոսել:
