ՀՐԱՉՅԱ ՀԱՐՈՒԹՅՈՒՆՅԱՆԻՆ ԿՑՈՒՑԱԲԵՐՎԻ
ԱՆՀՐԱԺԵՇՏ ՀՅՈՒՊԱՏՈՍԱԿԱՆ ՕԺԱՆԴԱԿՈՒԹՅՈՒՆ
Անցած շաբաթ օրը Նոր Մոսկվայում խոշոր վթար է տեղի ունեցել: Բեռնափոխադրող ՙԿամազ՚ մակնիշի մեքենան, որի վարորդը եղել է ՀՀ քաղաքացի Հրաչյա Հարությունյանը, բախվել է մարդատար ավտոբուսի: Ավտոբուսի ուղեւորների թիվը եղել է 41-ը, որոնցից 18-ը զոհվել են, իսկ հայազգի վարորդը տեղափոխվել հիվանդանոց, որտեղ էլ կոմայի մեջ է ընկել: Ինչպես պարզվում է, Հրաչյա Հարությունյանը ազատամարտիկ է, վերջինս Մոսկվա էր մեկնել մեկ տարի առաջ բանակում մահացած որդու գերեզմանաքարի համար գումար վաստակելու նպատակով: Թե արդյոք ՀՀ արտգործնախարարությունը որեւէ քայլ ձեռնարկել է նման ծանր վիճակում հայտնված ՀՀ քաղաքացուն օժանդակելու եւ իրավունքները պաշտպանելու համար` պարզեցինք ՀՀ ԱԳՆ մամուլի խոսնակ ՏԻԳՐԱՆ ԲԱԼԱՅԱՆԻՑ. ՙԴեսպանությունը ուշադրությամբ զբաղվում է այդ գործով, եւ հյուպատոսական անհրաժեշտ օժանդակություն, իհարկե, կցուցաբերվի՚:
ՍՈՍԵ ՉԱՆԴՈՅԱՆ
↧
ՙՀՐԱՉՅԱ ՀԱՐՈՒԹՅՈՒՆՅԱՆԻՆ ԿՑՈՒՑԱԲԵՐՎԻ ԱՆՀՐԱԺԵՇՏ ՀՅՈՒՊԱՏՈՍԱԿԱՆ ՕԺԱՆԴԱԿՈՒԹՅՈՒՆ
↧