ԵՎ ՀԱՆՈՒՆ ԻՆՉԻ ԵՆ ԿԵՆՏՐՈՆԱԿԱՆ ԲԱՆԿԻ ԿԵՍՄԻԼԻՈՆԱՆՈՑ ԱՇԽԱՏԱՎԱՐՁԵՐԸ
Image may be NSFW.
Clik here to view.
Թեեւ ԱԺ-ն արդեն ավարտել է գալիք տարվա պետբյուջեի նախագծի քննարկումներն ու հերթը հասել է այն քվեարկելուն, սակայն նախագծի հետ կապված տարաբնույթ խոսակցությունները, այդ թվում` քննադատական գնահատականները, շարունակվում են: Քննադատության հիմնական թիրախներից մեկն էլ գալիք տարվա համար նախատեսված աշխատավարձերի, թոշակների եւ այդ կարգի սոցիալական այլ բնույթի պետվճարումների ցածր մակարդակն է, ավելի ճիշտ, որ բյուջեի նախագծով այդպես էլ էական ավելացումներ չեն նախատեսում: Ընդ որում, այս ուղղությամբ դժգոհություններն առաջացան այս բյուջետային քննարկումներից էլ առաջ, այն օրերին, երբ մեր երկրում նվազագույն աշխատավարձերը բարձրացվեցին չնչին չափով` ընդամենը 2,5 հազար դրամով:Հայաստանյան այս ցածր աշխատավարձերի ֆոնին շատ ավելի տարակուսելի է դառնում այն հարցը, որ որոշակի ոլորտներում, որտեղ առանց այդ էլ սահմանված էին մեր երկրի չափանիշներով գերբարձր աշխատավարձեր, գալիք տարի եւս նախատեսված է բյուջետային միջոցների հաշվին աշխատավարձերի նկատելի աճ:
