ՆԱԽԱԳԱՀԸ ՊԱՐԳԵՎԱՏՐԵԼ Է ԿԻՆՈՌԵԺԻՍՈՐ ԿԱՐԵՆ ՇԱՀՆԱԶԱՐՈՎԻՆ
Նախագահ Սերժ Սարգսյանն այսօր ընդունել է կինոռեժիսոր, «Մոսֆիլմ» կինոկոնցեռնի
գլխավոր տնօրեն ԿԱՐԵՆ ՇԱՀՆԱԶԱՐՈՎԻՆ: Երկրի ղեկավարի մամուլի ծառայությունից հայտնում են, որ հայ-ռուսական մշակութային կապերի ամրապնդման գործում ներդրած ավանդի, կինոարվեստի բնագավառում երկարամյա և բեղմնավոր գործունեության համար, Հանրապետության նախագահ ՍԵՐԺ ՍԱՐԳՍՅԱՆԸ, կինոռեժիսոր Կարեն Գեորգիի Շահնազարովին պարգևատրել է Պատվո շքանշանով: Ավելի ուշ լրագրողների հետ հանդիման ժամանակ Կարեն Շահնազարովը ասուլիսը սկսեց նախագահի կողմից ստացած մեդալի ցուցադրումով: Պատմեց, որ հանրապետության ղեկավարի հետ զրուցել են Արցախի կինոարտադրության ոլորտում հայ-ռուսական համագործակցության մասին, քանի որ իր արմատներով ղարաբաղցի է եւ ավելացրեց. «Ուժեղ ազդեցության տակ եմ: Մեծ պատիվ էր ինձ համար Հայաստանի նախագահից ստանալ նման պարգև»: Բանախոսը Հայաստանում է իր` «Սպիտակ վագր» ֆիլմի հայաստանյան պրեմիերային մասնակցելու համար:
ԱԶԱ ՂԱՍԱԲՅԱՆ