ՙԵՍ ԸՆՏՐԵԼՈՒ ԵՄ ՍԵՐԺ ՍԱՐԳՍՅԱՆԻՆ՚
Հայաստանում գործող մի շարք կազմակերպություններ արդեն ներկայացրել են իրենց քաղաքական կողմնորոշումները` եկող նախագահական ընտրությունների վերաբերյալ: Այս հարցով ՙԻրավունքը՚ դիմեց նաեւ Հրեաների հայրենակցական միության նախագահ ՌԻՄԱ ՎԱՐԺԱՊԵՏՅԱՆԻՆ:
-Գիտեք, մենք երբեք չենք եղել ընդդիմության շարքերում, այդ պատճառով կարծում եմ, որ մենք կմնանք հասարակության ընդհանուր կարծիքի հետ: Բացի այդ, եթե անկեղծ լինենք, ընտրություն կատարելը, կամ ում ձայն տալը բացարձակ գաղտնի է: Ես անձամբ իմ ձայնը տալու եմ գործող նախագահ Սերժ Սարգսյանին: Իսկ ինչ վերաբերում է միության անդամներին, ապա ես ճիշտ է գիտեմ, թե ում օգտին են նրանք քվեարկելու, բայց որեւէ բարոյական, կամ իրավաբանական իրավունք չունեմ նրանց փոխարեն պատասխանել: Չնայած, որ, մենք եւ մեր միությունը այսօր բազում խնդիրներ ունենք, ինչպես նաեւ Հայաստանը, բայց այդուհանդերձ հույս ունենք, որ եթե հնարավորություն տանք այսօրվա մեր նախագահին աշխատել նաեւ ապագայում, ինչ-որ բան անպայման կփոխվի: Ամեն դեպքում մենք հուսալու ենք եւ պահանջելու, որ ընտրված նախագահն իր խոստումները անպայման կատարի:
ԱՐՄԵՆՈՒՀԻ ՀԱԿՈԲՅԱՆ