՛՛ԴԺՎԱՐ ԱՊՐՈՒՍՏԻ՛՛ ԷԼԵՆԻ ՀԱՄԱՐ ԴԺՎԱՐ Է ՀԱՅՏՆԻ ԼԻՆԵԼԸ
ՇՈՒՇԱՆՆԱ ԹՈՎՄԱՍՅԱՆԸ ՛՛Դժվար Ապրուստ՛՛ հեռուստասերիալի Էլենի դերակատարը դիմել է Ֆեյսբուքի իր ընկերներին. ՛՛Մի՞թե 21-րդ դարում՝ տեխնոլոգիայի ու հնարավորությունների դարում, դեռեւս կան մարդիկ, ովքեր չեն կարողանում տարբերել դերն իրական մարդուց: Պայքարում են կերպարի դեմ՝ օգտագործելով սերիալի բառապաշարը՛՛: Դերասանուհին խնդրել է չպատասխանել սոցցանցերում տարածված տեսագրության մեկնաբանություններին, այլ պարզապես անտեսել դրանք։ Շուշանը խոսքը եզրափակել է. ՛՛Եկեք հուսանք, որ մի օր մարդիկ կսկսեն գնահատել իրենց ժամանակն ու այն չեն ծախսի սերիալի հերոսներին վիրավորելու համար՛՛:
Երկու տարի շարունակ բամբասանքների թիրախում գտնվող նորաթուխ դերասանուհին չի կարողանում հարմարվել այն փաստի հետ, որ ՛՛հայտնի՛՛ մարդկանց մասին նաեւ կարելի է խոսել, ու ոչ միայն լավը:
ԱԶԱ ՂԱՍԱԲՅԱՆ