Խոսրովի արգելոցի տնօրենի մրցույթը կանցկացվի ըստ օրենքով սահմանված կարգի
Որոշ լրատվամիջոցներում, որոնք հայտնի են իրենց ֆանտաստիկայի հանդեպ տածած սիրով, հայտնվել է ինֆորմացիա, որ Խոսրովի արգելոցի տնօրենները միշտ ԱԺ նախագահի մտերիմներն են նշանակվում: Մենք հետաքրքրվեցինք Բնապահպանության նախարարության հասարակայնության հետ կապերի բաժնից, թե ինչպես են նշանակվում արգելոցի տնօրենները եւ ստացանք հետեւյալ պատասխանը.
՛՛Գործող ժամանակավոր պաշտոնակատարը՝ Հրաչ Հովհակիմյանը, Հ. Աբրահամյանի մտերիմներից չէ: Երկար տարիներ աշխատել է ՛՛Հայանտառ՛՛-ում եւ իր գործի պրոֆեսիոնալն է: Շուտով նախարարությունը կհայտարարի մրցույթ, կընթանա դիմումների ընդունման պրոցեսը, այնուհետեւ կնշանակվի արգելոցի տնօրենի պաշտոնի համար մրցույթի օրը եւ այն կանցկացվի ըստ օրենքով սահմանված կարգի”:
Զ. Սարգսյան