ՙՄԱՐԶԻՉԸ ՊԵՏՔ Է ՍՏԵՂԾԱԳՈՐԾԱԲԱՐ ՄՈՏԵՆԱ ԻՐ ԱՇԽԱՏԱՆՔԻՆ՚
ՖԻԼԱ-ի մարզչական-տեսչական կոմիտեի գլխավոր քարտուղար ՍՏԵՓԱՆ ՂԱԶԱՐՅԱՆԸ իրավացիորեն ըմբշամարտի աշխարհում համարվում է ամենահարգված անձանցից մեկը: Հունահռոմեական ոճի ըմբշամարտի անվանի մարզիչ է, մարզել է Հայաստանի հավաքականը, գլխավորել մրցավարական հանձնախմբեր ԽՍՀՄ, Եվրոպայի, աշխարհի առաջնություններում, Օլիմպիական խաղերում: ԽՍՀՄ վաստակավոր մարզիչ է, ՀՀ սպորտի վաստակավոր գործիչ, պարգեւատրվել է ԽՍՀՄ ՙՊատվո նշան՚, ՀՀ ՙՄովսես Խորենացի՚ մեդալներով, Կամբոջայի թագավորական եւ ՖԻԼԱ-ի շքանշաններով: -Եթե մերձբալթյան, շվեդական, հունգարական ըմբշամարտի դպրոցներն ավելի շատ ուժային թեքումով են, ապա հայկական, ինչպես նաեւ վրացական դպրոցների ըմբիշները վարպետության բարձր մակարդակ ունեն եւ կարող են մատուցել տեխնիկատակտիկական անսպասելի անակնկալներ: