ՌՈՒԲԵՆ ՀԱԿՈԲՅԱՆ. «ԵՍ ՉԵՄ ԱՍԵԼ, ՈՐ ՊԱՏՐԱՍՏՎՈՒՄ ԵՆՔ
ՄԻԱՍՆԱԿԱՆ ԻՇԽԱՆՈՒԹՅՈՒՆ ՁԵՎԱՎՈՐԵԼ»
Image may be NSFW.
Clik here to view.
«Ժառանգություն» խմբակցության ղեկավար Ռուբեն Հակոբյանը նոյեմբերի 9-ին «Էպիկենտրոն» հաղորդման ժամանակ հայտարարեց, որ խոսքը ոչ միայն իշխանափոխության, այլեւ միասին իշխանություն ձեւավորելու մասին է: Այսօր «Իրավունքը» Ռուբեն Հակոբյանից պարզեց միասին իշխանություն ձեւավորել ասելով ի՞նչ նկատի ունի խմբակցության ղեկավարը: Պրն Հակոբյանի խոսքով` ինքը նկատի է ունեցել համաժողովրդական շտաբներ ձեւավորելու լուրջ փաստաթուղթը, որտեղ խոսվում է ոչ միայն իշխանափոխության մասին, այլեւ կարելի է ենթադրել, որ խոսքը վերաբերում է նաեւ իշխանություն ձեւավորելուն: «Այն, ինչ ես ասել եմ, ոչ դրված է «եռյակի» օրակարգում, ոչ էլ միասնական քննարկման առարկա է եղել: Ես փորձել եմ մեկնաբանել այդ փաստաթղթի բովանդակությունը»,- մանրամասնեց Ժառանգություն խմբակցության ղեկավարը:
- Այնուամենայնիվ, պրն Հակոբյան, Դուք ո՞ր ուժերի հետ եք պատկերացնում միասնական իշխանություն ձեւավորելը:
- Ես չեմ ասել, որ մենք պատրաստվում ենք միասնական իշխանություն ձեւավորել: Ես ասում եմ, որ փաստաթղթի տրամաբանությունը դա է ենթադրում: Բայց քննարկել, թե ում հետ ենք ուզում իշխանություն ձեւավորել, նման հարց չկա:
- ՀՀ նախագահը կառավարությանը հանձնարարել է նորից անդրադառնալ « քառյակի» կողմից ներկայացված 12 կետերին: Ձեր կարծիքով`ՀՀ կառավարությունը ո՞ր կետերին պետք է առաջնահերթություն տա:
- Ես կարծում եմ, որ քաղաքական այս խորապատկերը, որը ձեւավորվել է Հայաստանում, այդ խորապատկերի ընդհանուր տրամաբանության վրա են հնչեցվել այդ ձեւակերպումները: Եվ եթե արձագանքի անհրաժեշտություն լինի, եռյակով, ավելի ճիշտ քառյակով կքննարկենք պարոն Սերժ Սարգսյանի այդ հայտարարությունը:
Սոնա Դավթյան
