ՎԵԴՈՒ ԳԵՂԱՐՎԵՍՏԻ ԴՊՐՈՑՈՒՄ ԿԲԱՑՎԻ ՑՈՒՑԱՀԱՆԴԵՍ`ՆՎԻՐՎԱԾ ՀԱՅՈՑ ՑԵՂԱՍՊԱՆՈՒԹՅԱՆ 100-ՐԴ ՏԱՐԵԼԻՑԻՆ
ՀՀ Արարատի մարզի Վեդի քաղաքի գեղարվեստի դպրոցը հիմնադրվել է 1972 թվականին: Այստեղ սովորում են 260 աշակերտ, դասավանդում`18 մանկավարժ: Դպրոցում գործում է գծանկարի, գունանկարի, կոմպոզիցիայի, փայտի փորագրության, ժանյակակգործության, դիզայնի, գոբելենի, գորգագործության, պարի, շախմատի, վարսահարդարման բաժիններ: Դպրոցի սաները մասնակցում է հանրապետական եւ միջազգային տարբեր ցուցահանդեսների եւ մրցույթների`արժանանալով տարբեր մրցանակների: Դպրոցն ավարատած սաները հետագայում ուսումը շարունակում է նախընտրած մասնագիտությամբ եւ մանկավարժական գործունեություն ծավալում Հայաստանի տարբեր ուսումնական հաստատություններում: Այս օրերին դպրոցի սաները նախապատրաստվում է մեծ ցուցահանդեսի` նվիրված Հայոց Ցեղասպանության 100-րդ տարելիցին: Նրանք նկարում են ամեն ինչ`կապված մեծ ողբերգության հետ: Սաներից յուրաքանչյուրը ցուցահանդեսին կարող է ներկայանալ մեկ կամ երկու նկարով: Նրանց խոսքով` իրենց նկարների միջով կարտահայտեն իրենց բողոքը ընդդեմ Թուրքիայի, որպեսզի վերջինս ընդունի իր կատարած ցեղասպանությունը.
«Յուրաքանչյուրս մեր գործով պետք է հասնենք նրան, որ Թուրքիան ընդունի ցեղասպանությունը: Այդ երկիրը պետք է փոխհատուցի հայի կրած բոլոր տառապանքների համար»,-«Իրավունքի» հետ զրույցում նշեց նկարչուհի Աննա Մանասերյանը:
Հայոց Ցեղասպանության 100-րդ տարելիցին նվիրված ցուցահանդեսը կբացվի հաջորդ տարվա սկզբին:
Նշենք, որ օրեր առաջ ՀՀ մշակույթի նախարար Հասմիկ Պողոսյանը Արարատի մարզ կատարած իր շրջայցի ընթացքում` նախարարության պատվոգրով պարգեւատրեց Վեդու գեղարվեստի դպրոցի տնօրեն Խաչիկ Սահակյանին:
ԶՎԱՐԹ ԽԱՐՉԱՏՐՅԱՆ