ՍԱ ԷԼ ՁԵԶ ՂՈՒՐԲԱՆ. ՀԱԿՈԲ ՀԱԿՈԲՅԱՆԸ ՀԵՂԻՆԵ
ԲԻՇԱՐՅԱՆԻՆ՝ ՄԱՅՐԵՐԻՆ ԱՋԱԿՑԵԼՈՒ ՀԱՄԱՐ
Խորհրդարանում բավական ակտիվ քննարկում է Ժամանակավոր անաշխատունակության նպաստների մասին ՀՀ օրենքում լրացումներ եւ փոփոխություններ կատարելու մասին օրինագիծը: ՕԵԿ խմբակցության ղեկավար Հեղինե Բիշարյանը հարց ուղղեց ԱԺ սոցիալական հարցերի մշտական հանձնաժողովի նախագահ Հակոբ Հակոբյանին, թե արդյոք այս օրինագծով խտրականության խնդիր առաջ չի քաշվում եւ արդյոք հանձնաժողովի նախագահն ի սրտե է կողմ այս նախագծին. «Այո, ի սրտե եմ կողմ, խտրականության խնդիր չկա: Ես ուրախ եմ, որ մոտ 30.000 մորը աջակցում ենք: Ավելին ասեմ` ես շնորհակալ եմ ՀՀ վարչապետ Հովիկ Աբրահամյանին: Սա էլ ձեզ ղուրբան, եղա՞վ»:
ՀՀ ԱԺ նախագահ Գալուստ Սահակյանն էլ քննարկվող խնդրի համատեքստում ասաց, որ երեխա ունենալու համար պարտադիր չէ հարուստ լինել: «Երբ նայում ենք հարուստներին, նրանք քիչ երեխաներ ունեն»,- ասաց Սահակյանը:
Սոնա Դավթյան