ՀԱՅ-ՌՈՒՍԱԿԱՆ ԹԱՆԳԱՐԱՆԱՅԻՆ ԵՐԿԽՈՍՈՒԹՅՈՒՆ
Մայր Աթոռ Սուրբ Էջմիածնի մատենադարանում քիչ առաջ մեկնարկեց «Ռուսաստանի եւ Հայաստանի թանգարանները, Մշակույթների երկխոսություն» խորագրով հայ-ռուսական թանգարանային համաժողովը, որի գլխավոր թեման է «Մշակութային ժառանգության պահպանության արդի հիմնահարցերը: Համաժողովին ներկա են ՀՀ եւ ՌԴ մշակույթի փոխնախարարները, հայաստանյան եւ ռուսաստանյան մի շարք թանգարանների տնօրեններ, հոգեւորականներ, մշակութային գործիչներ: Ողջույնի խոսքով հանդես եկավ Մայր Աթոռ Սուրբ Էջմիածնի արտաքին կապերի եւ արարողակարգի բաժնի ղեկավար Գերաշնորհ Նաթան արքեպիսկոպոս Հովհաննիսյանը, ինչպես նաեւ ՀՀ մշակույթի փոխնախարար Արեւ Սամուելյանը եւ ՌԴ մշակույթի փոխնախարար Ելենա Միլովզորովան: Համաժողովի ընթացքում կհնչեն չորս ելույթներ, ապա հյուրերը կշրջեն Մայր Աթոռ Սուրբ Էջմիածնով:
ՀՐԱՆՏ ՍԱՐԱՖՅԱՆ