ՔՐԵԱԿԱՆ ՀԵՂԻՆԱԿՈՒԹՅԱՆ ԵՂԲՈՐ ՍՊԱՆՈՒԹՅԱՆ ԳՈՐԾՈՎ ՆԵՐԳՐԱՎՎԵԼ Է ԵՎՍ ՄԵԿ ՊԱՇՏՊԱՆ
«Թեոսիկի եղբոր` Արթուր Սաֆարյանի սպանության փաստով կալանավորված Իսրայել Սարգսյանից բացի, գործով ներգրավվել է եւս մեկ պաշտպան: Այս պահին նախաքննական գործողությունները շարունակվում են»,- iravunk.com-ի հետ զրույցում ասաց Իսրայել Սարգսյանի պաշտպան Արսեն Սարդարյանը:
Հիշեցնենք, որ հունվարի 27-ին Երևանի կենտրոնում՝ Արամի նրբանցքի 5/ա շենքի բակում սպանվել է 42-ամյա Արթուր Սաֆարյանի՝ քրեական հեղինակություն Թևոսի եղբայրը: Քրեական գործով պարզվել և հիմնավորվել է, որ Իսրայել Սարգսյանն իր ընկեր Մովսես Ներսիսյանին պատվիրել է կատարել Արթուր Սաֆարյանի սպանությունը:
ԻԼՈՆԱ ԱԶԱՐՅԱՆ