ԷԿՈՆՈՄԻԿԱՅԻ ՆԱԽԿԻՆ ՓՈԽՆԱԽԱՐԱՐԸ ՊԱՐԶԱԲԱՆՈՒՄ Է` ԻՆՉՈ՞Ւ Է ՀՐԱԺԱՐԱԿԱՆ ՏՎԵԼ
Հայտնի է, որ Էկոնոմիկայի փոխնախարար Տիգրան Հարությունյանն իր դիմումի համաձայն հրաժարական է ներկայացրել: «Իրավունքի» հետ զրույցում պրն Հարությունյանը հերքեց այն լուրերը, թե իր հրաժարականի պատճառը էկոնոմիկայի նախարար Կարեն Ճշմարիտյանի հետ ունեցած խնդիրներն են: «Հրաժարական եմ տվել, քանի որ ոլորտս եմ ցանկանում եմ փոխել»,- ասաց Տիգրան Հարությունյանը:
Նախկին փոխնախարարը դեռ չգիտի, թե առաջիկայում ինչ պաշտոն է զբաղեցնելու, բայց իրեն տեսնում է ինտեգրացիոն սեկտորում:
Իսկ թե ինչու էկոնոմիկայի նախկին նախարար Տիգրան Դավթյանի ղեկավարման ժամանակ հրաժարական չէր ներկայացնում, եթե ոլորտը փոխելու ցանկություն ուներ, Տ. Հարությունյանն այսպես պատասխանեց. «Պայմանավորված էր զբաղվածությամբ, ԵՏՄ-ի ինտեգրման գործընթացի մեջ էին, ունեինք պարտավորություններ, որոնք արդեն կատարվել են: Հիմա ազատ եմ»:
Սոնա Դավթյան