ԱՆԿՈՒՄԱՅԻՆ ՏՐԱՄԱԴՐՈՒԹՅՈՒՆՆԵՐ՝ «ԵՌՅԱԿՈՒՄ»

ԱՆԿՈՒՄԱՅԻՆ ՏՐԱՄԱԴՐՈՒԹՅՈՒՆՆԵՐ՝ «ԵՌՅԱԿՈՒՄ»

Image may be NSFW.
Clik here to view.«Իրավունքն» այսօր ԲՀԿ խմբակցության պատգամավոր Վահե Հովհաննիսյանից փորձեց պարզել՝ կո՞ղմ է, թե՞ դեմ  Հայաստանի՝ ԵՏՄ-ի անդամակցությանը: Վերջինս ասաց, որ հարցի պատասխանը  կերեւա իր քվեարկությամբ: «Ոչ մի հարցի չեմ պատասխանելու»,-անտրամադիր ու կտրուկ ասաց  Վահե Հովհաննիսյանը, ով այսօր առավոտյան, ի դեպ, բավական բարձր տրամադրությամբ էր եկել խորհրդարան: Բայց ինչպես  պատգամավորը խոստովանեց՝ կեսօրից հետո տրամադրությունը ընկել է:

Ի դեպ, Վահե Հովհաննիսյանի հետ մտահոգ դեմքի արտահայտությամբ խորհրդարանի դահլիճից դուրս եկան ԲՀԿ-ական Ստեփան Մարգարյանն ու ՀԱԿ խմբակցության ղեկավար Լեւոն Զուրաբյանը: «Էդ ինչ է եղել»,- անտրամադիր դիմեց Լեւոն Զուրաբյանին Վահե Հովհաննիսյանը: ՀԱԿ խմբակցության ղեկավարի ցածրաձայն պատասխանը լսելի չէր, բայց տեսանելի էր ԲՀԿ պատգամավորների հետ Լեւոն Զուրաբյանի մուտքը այն միջանցք, որտեղ գտնվում են ԲՀԿ պատգամավորների աշխատասենյակները: Հավանաբար, «եռյակում» մինչ դեկտեմբերի 10-ի հանրահավաքը անկումային տրամադրություններ են:

ՍՈՆԱ ԴԱՎԹՅԱՆ