ԲՀԿ ՊԱՏԳԱՄԱՎՈՐԸ ՔՎԵԱՐԿՈՒԹՅԱՆԸ ՉԻ՞ ՄԱՍՆԱԿՑԵԼՈՒ
ԲՀԿ պատգամավոր Արայիկ Աղաբաբյանից «Իրավունքը» պարզեց՝ կո՞ղմ է, թե՞ դեմ Հայաստանի՝ ԵՏՄ-ի անդամակցությանը: Արայիկ Աղաբաբյանն ասաց, որ շատ խորը հարց է, որին մի քանի նախադասությամբ պատասխանել հնարավոր չէ: Բացի այդ՝ ինքը դեռ չի հասցրել ամբողջությամբ ծանոթանալ ԵՏՄ-ի անդամակցության պայմանագրին ու վերջնական կարծիք ձեւավորել: «Քվեարկությունս ցույց կտա իմ դիրքորոշումը»,- եզրափակեց ԲՀԿ պատգամավորը:
Ի դեպ, ԱԺ-ում շրջանառվող լուրերի համաձայն՝ ԲՀԿ պատգամավորը չի մասնակցելու ԵՏՄ-ի անդամակցության պայմանագրի վավերացման քվեարկությանը: Իսկ թե որքանով են լուրերը հավաստի, ցույց կտա ժամանակը:
ՍՈՆԱ ԴԱՎԹՅԱՆ