Հ. ՆԱՂԴԱԼՅԱՆԸ ՀԱԿ-ԻՆ. ԻՆՉ ՈՒԶՈՒՄ Է ԲԱԳՐԱՏՅԱՆԸ
ՏՎՈՂԸ ԴՈՒՔ ՉԵՔ, ՏՎՈՂԸ ԺՈՂՈՎՈՒՐԴՆ Է
Այսօր ՀԱԿ պատգամավոր, նախկին վարչապետ Հրանտ Բագրատյանը ԱԺ ամբիոնից խոսեց Հայաստանի` ԵՏՄ-ի անդամակցության մասին: Պատգամավորի խոսքով, եթե պետք է ԵՏՄ-ի մաս կազմենք, ապա պետք է բանակցությունները վարել արժանապատիվ: «Իսկ չեք կարող իշխանությունը տվեք մեզ»,- իրեն բնորոշ էմոցիոնալությամբ ասաց պրն Բագրատյանը:
Երբ պատգամավորը պատրաստվում էր զբաղեցնել իր տեղը, ՀԱԿ-ի կողմի ինչ-որ արձագանք եղավ իշխանությունը տալու հետ կապված: Ի պատասխան ԱԺ փոխնախագահ Հերմինե Նաղդալյանը նայելով ՀԱԿ-ի ուղղությամբ, ասաց. «Ինչ ուզում է պրն Բագրատյանը, տվողը դուք չեք: Տվողը ժողովուրդն է: Ժողովուրդն էլ որոշել է, թե ում տա»:
Հ.Գ. Հրանտ Բագրատյանի ելույթից տպավորություն է ստեղծվում, թե նա կարծես թե կարոտել է վարչապետության իր տարիները եւ ամեն գնով փորձում է համոզել, որ իրենց իշխանությունն ավելի լավն էր, քան նրան հաջորդողները:
ՍՈՆԱ ԴԱՎԹՅԱՆ