ԱՐԹՈՒՐ ԱԲՐԱՀԱՄ-ՓՈԼ ՍՄԻԹ ՄԵՆԱՄԱՐՏԸ`2015Թ. ՓԵՏՐՎԱՐԻ 21-ԻՆ
Հաստատվել է հայ պրոֆեսիոնալ բռնցքամարտիկ, WBO վարկածով աշխարհի չեմպիոն Արթուր Աբրահամի առաջիկա մենամարտի մրցակիցը, անցկացման օրը, վայրը: Այսպիսով, Աբրահամի մրցակիցը կլինի բրիտանացի Փոլ Սմիթը, ում հետ նա մենամարտել է անցնող տարվա սեպտեմբերի 27-ին եւ միավորների առավելությամբ հաղթել նրան: Մենամարտը կկայանա Բեռլինի "O2 World" մարզապալատում, 2015 թվականի փետրվարի 21-ին: Այսօր` դեկտեմբերի 8-ին, երկու բռնցքամարտիկները, նրանց մարզիչները եւ մենեջերները հանդիպել են մամլո ասուլիսի ձևաչափով: Արթուր Աբրահամը հայտարարել է, որ պատրաստվում է կրկին հաղթել Փոլ Սմիթին: Վերջինը նույնպես ընդգծել է հաղթելու իր ցանկության մասին: Տեղեկատվությունը տրամադրեց բռնցքամարտիկի մամլո խոսնակ՝ Սիրան Գրիգորյանը:
ՔԻՍՏԻՆԵ ՊԵՏՐՈՍՅԱՆ