ՙՀՀ-ՈՒՄ ՏՈՒԲԵՐԿՈՒԼՅՈԶԻ ՏԱՐԱԾՄԱՆԸ ՆՊԱՍՏՈՒՄ Է ՆԱԵՎ ՄԻԳՐԱՑԻԱՆ՚
ՙ2012թ-ին Հայաստանում տուրբերկուլյոզից 60 մարդ է մահացել: Այժմ Հայաստանում տուբերկուլյոզով հիվանդ 20-25 երեխա կա, որոնք գրեթե բոլորը վարակվել են իրենց ծնողներից: Նշենք, որ Հայաստանում տուբերկուլյոզի տարածմանը նպաստում է նաեւ միգրացիան:՚,-այդ մասին մեզ հետ զրույցում նշեց Տուբերկուլյոզի դեմ պայքարի ազգային գրասենյակ՚ ՊՈԱԿ-ի տնօրեն Արմեն Հայրապետյանը:
Անդրադարնալով տուբերկուկուլյոզի դեմ նախատեսված դեղորայքներին Հայրապետյանը նշեց.
- Հակատուբերկուլյոզային դեղորայքը պատվիրում ենք մեկ տարվա համար, բայց տեղադրված պատվերը ստանում ենք կես-կես: Առաջին խմբաքանակը գալիս է, իսկ երկրորդը ստանալուց առաջ պատվերը վերանայում ենք, որպեսզի մեծ քանակությամբ դեղորայք չկուտակենք մեր դեղատանը, ժամկետանց դեղորայք չունենանք: Ամբողջ խմբաքանակը գտնվում է տուբերկուլյոզի դեմ պայքարի ազգային գրասենյակում: Հիմա արդեն պլանավորում ենք եւ պատվեր ենք տեղադրում 2014-ի համար: Առաջին խմբաքանակը ստանալուց հետո երկրորդ խմբաքանակը վերանայելու ենք: Շատ է լինում, որ պատվերը քչացվում է:
ԻԼՈՆԱ ԱԶԱՐՅԱՆ
