ԱԼԻԵՎԻ ԻՇԽԱՆՈՒԹՅՈՒՆԸ ՏԱՊԱԼՄԱՆ ԵԶՐԻՆ Է
Image may be NSFW.
Clik here to view.
Այսօր քաղաքագետ Սերգեյ Շաքարյանցը համոզմունք հայտնեց, որ Ադրբեջանի վիճակը այսօր բավականին տխուր է, այդ երկրում վերջերս եղել են հակաիշխանական ցույցեր: Այսօր պարզ է դառնում, որ Իլհամ Ալիևը և իր կլանը քիչ թե շատ կայուն լծակներ պահպանեցին միայն Բաքվում և դա արդեն լուրջ սպառնալիք է նրանց համար: Քաղաքագետը կարծիք հայտնեց, որ այսօր Ալիևը չի տիրապետում իրական տեղեկությունների, այն մասին թե ինչ է կատարվում ադրբեջականակ քաղաքաներում և գյուղերում: Պարոն Շաքարյանցը հայտնեց, որ Բաքվի արվարձաններից մեկում վերջերս ադրբեջանի իշխանությունները ստիպված եղան ուժային միջոցներով ճնշել տեղի բնակչությանը: Նա նաև ասաց, որ այսօր Ադրբեջանում գործընթացները հասել են նրան, որ նունիսկ դրսի ուժերի մինիմալ ազդեցության դեպքում Ալիևի իշխանությունը կտապալվի: Ադրբեջանի նախագահը դիտարկել է նույնիսկ իր կնոջ կամ դստեր միջոցով իշխանությունը վերարտադրելու հնարավորությունը, քանի որ այդ կլանը չի ցանկանում հանձնել այն:
Քաղաքագետը նշեց, որ եթե Իլհամ Ալիևինն հաջողվի վերարտադրել իր իշխանությունը, մենք կունենանք Հայաստանի հետ կապված ներկայիս իրավիճակի շարունակությունը: Այսինքն շարունակական կլինեն սադրանքներն ու սպառնալիքները: Ինչ վերաբերում է Ադրբեջանին առանց Ալիևի, ապա քաղաքագետի կարծիքով այդ երկիրը պարզապես կպառակտվի: Նա նաև հավելեց, որ Ալիևը կանի ամեն ինչ իր ընտանիքի դիրքերը պահելու համար և եթե նրա իշխանությանը զգալի վտանգ սպառնա, նա կարող է նույնիսկ պատերազմական գործողություններ սկսել Ղարաբաղի դեմ, այդ կերպ շեղելով իր քաղաքացիների ուշադրությունը և արհեստականորեն երկարացնելով Ալիևների կլանի իշխանության ժամկետը: Այդ պատճառով մենք պետք է միշտ զգոն լինենք, պատրաստ դիմակայելու նրա ցանկացած քայլին:
ՄԱՐԻՆԵ ԲԱՐՍԵՂՅԱՆ
