ՎՐԱՍՏԱՆՈՒՄ ՀԵՏԱՁԳՎԵԼ Է ՔԱՂՔԱԿԱՆ ԲԱԽՈՒՄՆԵՐԻ ԳՈՐԾԸՆԹԱՑԸ
Image may be NSFW.
Clik here to view.
Քաղաքագետ Սերգեյ Շաքարյանցը այսօր վերլուծելով Վրաստանի ներքաղաքական անցուդարձը ասաց, որ վրացիները հետաձգել են իրենց քաղաքական բախումների պրոցեսը, իշխանության ապագայի հարցը և դա փոխհամաձայնեցված է, քանի որ նախկինում պահանջում էին, որ Սահակաշվիլին անհապաղ վայր դնի իր պարտականությունները, բայց հետո Իվանիշվիլին համաձայնեց, որ Սահակաշվիլին շարունակի պաշտոնավարել: Նա նաև նշեց, որ Իվանիշվիլին կարծես արդեն առաջարկել է նախագահի պաշտոնի համար իր ընտրած թեկնածուին, որի անունը դեռևս որևէ բան չի ասում ո՛չ մեզ, ո՛չ միջազգային հանրությանը, իսկ Սահակաշվիլիի կուսակցության կողմից, որպես հետնորդ արդեն շոշոփվում է Վանո Մերաբիշվիլիի անունը, որը քաղաքագետի կարծիքով վտանգավոր է Հայաստանի համար, քանի որ.« Իզուր չէ, որ բոլորը 2008-ի օգոստոսյան պատերազմական գործողությունները կապում են Մերաբիշվիլիի անվան հետ: Մերաբիշվիլիին այդ բանում մեղադրում են և՛ Բուրջանաձեն, և՛ Սալոմե Զուրաբիշվիլին և՛ նախկին պաշտպանության նախարար Օքրուաշվիլին, և՛ ներկայիս վարչապետ Իվանիշվիլին, բայց դա չի խանգարում Սահակաշվիլիին նրան պատրաստել որպես իր կուսակցության թեկնածու»:
Քաղաքագետը նշեց, որ Իվանիշվիլին շատ ավելի ճկուն մարդ է և նրա անունը կապում են Բերևզովսկու և նրանց հետ, ովքեր առնչվում են Ռուսաստանի հետ և միևնույն ժամանակ ներկայացնում են կազմակերպված հանցավոր աշխարհը:
Շաքարյանցը չբացառեց, որ վրացիները պահպանեն այս երկու մասի բաժանված իշխանության մոդելը, այսինքն նախագահի պաշտոնը մնա Սահակաշվիլիին, իսկ գործադիր իշխանությունը Իվանիշվիլիին: Նա նաև հավելեց, որ դա չի բխում հայերի շահերից, քանի որ Սահակաշվիլին մի քանի անգամ հասցրել է կոշտ խոսել Ջավախքի վերաբերյալ, բացի այդ. «Նա արդեն հասցրել է նեղացած պահանջներ ներկայացնի, թե ինչու Աբխազիայի հայերի միության ներկայացուցիչները եղան Երևանում: Ես կարող եմ հարց տալ, իսկ ինչո՞ւ չպետք է լինեին»: Քաղաքագետը նաև հիշեցրեց, որ Իվանիշվիլին ներում է շնորհել տարբեր հայ գործիչների, որոնք բանտում էին հայտնվել վրաստանի նախագահի մեղադրանքների պատճառով և Սահակաշվիլիի պաշտոնավարման դեպքում իրավիճակը Ջավախքում կսկսի ավելի սրվել:
ՄԱՐԻՆԵ ԲԱՐՍԵՂՅԱՆ
