ՆՐԱՆՔ` ՀԵՉ, ՈՒՐԻԽԱՆՅԱՆԸ` ՄԵՋ
ԲՀԿ պատգամավորների զգալի մասը չափից դուրս խուսափում է լրագրողներից, նրանք որդեգրել են լրատվամիջոցների հետ շփման նոր տարբերակ, յուրաքանչյուր պատգամավոր ունի իր ձեւաչափը: Օրինակ` Լյովա Խաչատրյանը այդքան ժամանակ լինելուվ Ազգային Ժողովում, այդպես էլ գլխի չի ընկել, որ դա ամենեւին էլ հավաբուն չէ, ու, որ լրագրողներին "քըշ-քըշ-քըշ" ասելը պատգամավորին հարիր բառապաշար չէ: Իսկ Երեւանի ավագանու ընտրությունների ցուցակը գլխավորող ՀՀ նախկին արտգործնախարար Վարդան Օսկանյանն էլ ռեալ շփումը փոխարինել է facebook սոցցանցում երկար ու ձանձրալի տեքստեր զետեղելով` լրագրողներին ասելով` "հետո", օլիգարխիկ պատգամավոր Գուրգեն Արսենյանն էլ շփվում է բացառապես նամակագրական կապով: Այսպես որ գնա` մի քանի տարուց վերջինս իր մեկնաբանությունները կթողնի միայն պատերին, որպես սեպագիր արձանագրություններ: Դե, իսկ ԱԺ պատգամավորներ Վահե Էնֆիաջյանն ու Նաիրա Զոհրաբյանն ավելորդ գլխացավանքից խուսափելու համար չպատասխանեցին մեր հարցերին` մատնացույց անելով Տիգրան Ուրխանյանին, որի գլխին մշտապես թափվում է ԲՀԿ-ականների բացթողումների կուժն ու կուլան:
Դե ինչ, հիշեցնենք ԲՀԿ խմբակցության քաջարի պատգամավորներին, որ երկու վախը մեկ մահ է, եւ, որ Տիգրան Ուրիխանյանը ողջ կյանքում ուրիշների փոխարեն պատասխաններ չի տալու:
ՍՈՍԵ ՉԱՆԴՈՅԱՆ