ՅՈՒՊ ՀԱՅՆԿԵՍԸ ՍՊԱՍՈՒՄ Է ՊԵՐԵՍԻ ԱՌԱՋԱՐԿԻՆ
Չեմպիոնների լիգայի այս տարվա գավաթակիր Մյունխենի Բավարիայի գլխավոր մարզիչ՝ ՅՈՒՊ ՀԱՅՆԿԵՍԸ, պատրաստ է գլխավորել Մադրիդի Ռեալը Մոուրինյոյի հեռանալուց հետո: Միայն թե, նրան պետք է, որ հրավերը լինի անձամբ Ֆլորենտինո Պերեսից: Այս մասին Մարկայի հետ զրույցում ասել է Հայնկեսի գործակալը. «Յուպն ուրախությամբ կվերադառնա «Ռեալ Մադրիդ», եթե Ֆլորենտինո Պերեսը կապ հաստատի մեզ հետ, մենք որոշում կընդունենք: Մարզչական կարիերան ավարտելու մասին խոսք լինել չի կարող. Հայնկեսը դեռևս որոշել է հեռանալ Բունդեսլիգայից»- ասել է գործակալ Էնրիկե Ռեյեսը:
ՆԱՐԵԿ ԵՂԻԱԶԱՐՅԱՆ