ԲԱՆՎՈՐՆԵՐԻՆ ՍՊԱՌՆՈՒՄ ԵՆ, ԻՍԿ ԱՐՀՄԻՈՒԹՅՈՒՆԸ ԷՇԻ ԱԿԱՆՋՈՒՄ ՔՆԱ՞Ծ Է
Օրերս «Լեւ Գրուպ» իրավաբանական ընկերության տնօրեն Լեւով Բաղդասարյանը անդրադառնալով Երեանի «Ռուսալ-Արմենալ» ալյումինի գործարանի բանվորների վնասակարության դիմաց տրվող դատական վիճաբանությանը՝ նշել էր, թե ինչ սպառնալիքներ են հնչեցնում այն բանվորների հասցեին, ովքեր պայքար են տանում իրենց հասանելիք գումարները ստանալու համար: Մասնավորապես բանվորներին ասվում է. «Ձեզ խելոք պահեք, այլապես Աֆրիկայից բանվոր կբերենք, Ձեր փոխարեն կաշխատեն, կամ առհասարակ կհեռացնենք աշխատանքից»: Ի դեպ, ինչպես նշեց բանվորների շահերի պաշտպանը, այս վիճաբանությունը կհասնի մինչեւ եվրոդատարան: Իսկ թե ինչո՞ւ գործարանի արհմիությունը ժամանակին չի զբաղվել այս հարցով, «Իրավունքը» փորձեց պարզել ՀԱՄԿ նախագահ ԷԴՈՒԱՐԴ ԹՈՒՄԱՍՅԱՆԻՑ.
- Ճիշտն ասած, այդպիսի լուրջ բողոք չկա, թեպետ լուրջ բողոքներ տարբեր կազմակերպությունների կողմից մշտական են լինում: Մենք ունենք ճյուղային միություն, որի մեջ մտնում է «Ռուսալ-Արմենալ»-ը: Այն լեռնագործների հանրապետական ճյուղային միությունն է եւ այնտեղ բավական լուրջ նախագահ ունենք: Նա է զբաղվում այդ հարցերով:
ՀՐԱՆՏ ՍԱՐԱՖՅԱՆ