ՀՐԱՇԱՄԱՆՈՒԿ ՋՈՒԹԱԿԱՀԱՐՈՒՀԻՆ ԿՆՎԱԳԻ ՀԱՅ ՀԱՆԴԻՍԱԿԱՆԻ ՀԱՄԱՐ
Հունիսի 28-ին Արամ Խաչատրյան համերգասրահում Հայաստանի պետական ֆիլհարմոնիկ նվագախումբը դիրիժոր Հարություն Արզումանյանի ղեկավարությամբ կկատարի Սիբելիուսի թիվ 1 սիմֆոնիան, իսկ 13-ամյա հրաշամանուկ ջութակահարուհի Լառա Բոշկորը (Գերմանիա) ՀՊՖՆ-ի հետ կներկայացնի Մոցարտի Ջութակի թիվ 3 կոնցերտը և Սարասատեի <<Կարմեն>> ֆանտազիան: Նա այնպիսի միջազգային մրցույթների դափնեկիր է, ինչպիսիք են Հենրիկ Շերինգի, Պաուլ Հինդեմիտի և Կարլ Ֆլեշի անվան ջութակահարների հեղինակավոր մրցույթները: Այս մասին <<Իրավունքը>> տեղեկացավ ՀՊՖՆ-ի մամուլի ծառայությունից:
Վ.ՄՈՒՐԱԴՅԱՆ