"ՋԱՎԱԽԱՀԱՅԵՐՆ ԷԼԻ ՆԵՂՎԱԾ ԵՆ" Վ. ՉԱԽԱԼՅԱՆ
"Մինչեւ դատավարությունը` օգոստոսի 9-ը, մեզ չեն թույլատրում տեսնել նրան, բայց փաստաբանները Արմենի մոտ գնում են ու ասում են, որ լավ է, առողջ է, նրան այցելել են նաեւ հայ հոգեւորականներ",- մեզ հետ զրոյցում ասաց ջավախահայ ակտիվիստ, ներկա պահին ձերբակալված Արմեն Չախալյանի եղբայրը, ջավախահայ քաղաքական գործիչ, նախկին քաղբանտարկյալ Վահագն Չախալյանը:
- Հիմա դատին ենք պատրաստվում: Փաստաբաններն ասում են, որ չկային բավարար հիմքեր Արմենին ձերբակալելու համար` տեսնենք:
- Պարոն Չախալյան, իսկ այս դեպքերից հետո ինչպիսի՞ տրամադրություններ են Ջավախքում:
- Ճիշտ նկատեցիք, կա տրամադրության փոփոխություն: Երբ ես դուրս եկա բանտից միանգամից ոգեւորություն տարածվեց, մտածեցինք` վերջացավ: Հիմա ջավախահայերը էլի նեղված են: Մնում է սպասենք դատավարությանը:
Հիշեցնենք, որ Վրաստանում ձերբակալվել էր ջավախքահայ քաղաքական ակտիվիստ Վահագն Չախալյանի եղբայրը` Արմեն Չախալյանը: Համաձայն` Արմեն Չախալյանի ձերբակալության պատճառը Նինոծմինդայում տեղի ունեցած անկարգություններն են եղել: Նրան ձերբակալել են Նինոծմինդայի, Ախալքալաքի հատուկ ծառայությունների աշխատակիցները` դիմակներով եւ ավտոմատներով:
ԻԼՈՆԱ ԱԶԱՐՅԱՆ