ՙՙՙՄԵՂՐԻԻ ՏԱՐԲԵՐԱԿ՚. ԿԵՂԾԻՔՆԵՐ ԵՎ ԻՐԱԿԱՆՈՒԹՅՈՒՆ
Սկիզբը` թիվ 129,132, 135, 138-ումԱյն, որ 1999թ. հոկտեմբերյան ողբերգության նախաշեմին ամերիկյան ՙհատուկ նշանակության՚ դիվանագետ, աշխարհաքաղաքական խաղերի հայտնի մասնագետ Փիթեր Ռոզենբլաթը, եւ հենց հոկտեմբերի 27-ին էլ ԱՄՆ պետքարտուղարի տեղակալ, այն ժամանակների նախագահ Բիլ Քլինթոնի մերձավոր եւ Ռոզենբլաթից էլ մի գլուխ բարձր աշխարհաքաղաքական ՙխաղացող՚ Սթրոուբ Թելբոթը Հայաստանում էին, ոչ մի կերպ չի կարող պատահականություն համարվել: Թեկուզեւ այն պարզ պատճառով, որ այդ ավելի քան գերզբաղված դիվանագետները հազիվ թե համաձայնեին մեկ վայրկյան անգամ կորցնել հենց այնպես, ասենք` Գառնի-Գեղարդ գնալու համար Հայաստան այցելելու համար: