՛՛ԵՌՅԱԿՈՒՄ՛՛ ՀԱԿԱՍՈՒԹՅՈՒՆՆԵՐԸ ԱՎԵԼԻ ՇԱՏ ԵՆ, ՔԱՆ
ԸՆԴՀԱՆՐՈՒԹՅՈՒՆՆԵՐԸ
Ինչպես հայտնի է, <Եռյակում> բազմաթիվ հակասություններ կան: Դրանք են ԵՏՄ մտնել-չմտնելու հարցը, հանրահավաք անել-չանելու, նստացույցի դիմել-չդիմելու եւ այլն: Այսօր պարզվեց նաեւ, որ <Եռյակում> գոյություն ունեն նաեւ հակադիր կարծիքներ Արցախի հարցի վերաբերյալ: Ավելին, ՀԱԿ-ը եւ <Ժառանգությունը> միմյանց սուր քննադատության ենթարկեցին ԱԺ ամբիոնից: Այսպես, Լեւոն Զուրաբյանը մի շարք պատճառներ ներկայացրեց իրենց կողմից <Ժառանգության> տեսակետին չաջակցելու համար եւ ըստ էության <Ժառանգության> դիրքորոշումը Ղարաբաղի հարցում, ներկայացրեց արկածախնդրություն: Իր հերթին <Ժառանգության> խմբակցության ղեկավար Ռուբիկ Հակոբյանը մեղադրեց Լեւոն Տեր-Պետրոսյանին եւ Ռոբերտ Քոչարյանին Ղարաբաղի անկախությունը ճանաչելու հարցը կանխելու մեջ: Ռուբիկ Հակոբյանը ասաց նաեւ, որ այսօր էլ չի կարողանում հասկանալ իր ընդդիմադիր գործընկերներին: Նշենք, որ ԲՀԿ-ն ընդհանրապես չխառնվեց հարցի քննարկմանը եւ պրակտիկապես բոյկոտեց այն: Այսպիսով պարզվեց, որ եռյակի գաղափարական հարցերի ցանկում է նաեւ Ղարաբաղի հարցը:
ԱՐՄԵՆՈՒՀԻ ՀԱԿՈԲՅԱՆ