ՓԱՇԻՆՅԱՆԻ` ԱԺ-ՈՒՄ ՀԱՆՎԵԼՈՒ ԿՈՉԸ ՎԱՐԱԿԵՑ ԼԵՎՈՆ
ԶՈՒՐԱԲՅԱՆԻՆ
ՀԱԿ խմբակցության պատգամավոր Նիկոլ Փաշինյանի ֆինանսների նախարարին ուղղված հանվելու առաջարկը կարծես թե վարակիչ դարձավ նույն խմբակցության ղեկավար Լեւոն Զուրաբյանի համար:
Հիշեցնենք, որ այսօր Ն. Փաշինյանը կոչ արեց Ֆիննախարար Գագիկ Խաչատրյանին «հանել կոստյումները, որպեսզի լրագրողները տեսնեն, թե ում կոստյումը որքան արժե»:
Իսկ երբ, «Իրավունքը» ՀԱԿ խմբակցության ղեկավարից փորձեց պարզել քառյակ-եռյակի 12 կետերից, որին պետք է առաջնահերթություն տա ՀՀ կառավարությունը եւ եւս մեկ անգամ դրանք ուսումնասիրի, ինչպես երեկ հայտարարել է ՀՀ նախագահ Սերժ Սարգսյանը: Լեւոն Զուրաբյանը լսելով, թե տողերիս հեղինակը, որ լրատվամիջոցն է ներկայացնում, ցավագին ասաց. «Վաաաաաայ, դուք իրավունք չունեք»: Իսկ հետո հիշեց Նժդեհի` «ուժն է ծնում իրավունք» հայտնի ասույթը ու հանկարծ ասում. «Եթե կարող եք, եկեք ուժով վերցրեք»:
Հ.Գ. Փաստորեն, Լեւոն Զուրաբյանին հաճույք է պատճառում, երբ իր նկատմամբ ուժ է կիրառվում եւ ուժի միջոցով է ինչ-որ բան կորզվում: Հետաքրքիր է, թե ի՞նչ է կատարվում ընդդիմության ներկայացուցիչների հետ, միգուցե աշնանային սրացումները նրանց այլ ուղղությա՞մբ են տարել:
Սոնա Դավթյան