ՀՅԴ ՊԱՏԳԱՄԱՎՈՐ. «ՍՈՒԲՍԻԴԱՎՈՐՄԱՆ ԳԱՂԱՓԱՐԸ ԴՐՎԵՑ ԴԱՎԻԹ ԼՈՔՅԱՆԻ ՕՐՈՔ»
ՀՅԴ-ը պարբերաբար է անդրադառնում գյուղատնտեսության ոլորտում առկա խնդիրներին, հանդես գալիս թե´ քննադատությամբ, թե´ օրենսդրական նախաձեռնություններով: ՀՅԴ պատգամավոր Արծվիկ Մինասյանից «Իրավունքը» հետաքրրքվեց`արդյոք գյուղատնտեության ոլորտում առկա եւ ՀՅԴ-ի կողմից բարձրաձայնվող խնդիրները չկային նաեւ նախկին գյուղնախարար ՀՅԴ անդամ Դավիթ Լոքյանի օրոք:
Գյուղատնտեսության ոլորտում միշտ եղել են ու կան խնդիրներ, բայց եթե, ըստ ՀՅԴ պատգամավորի, անաչառ վերլուծենք, ապա կտեսնենք, որ այն խնդիրները, որոնք կային Դ. Լոքյանի ժամանակ (դրանց մի մասը արդյունավետ լուծվեց) պետք է շարունակական լուծում ստանային, որը չարվեց. «Սուբսիդավորման գաղափարը դրվեց Դավիթ Լոքյանի օրոք, բայց գաղափարը հետագայում չզարգացավ: Հակառակն արվեց. 2009-2010 թթ-ին կառավարությունը վերացրեց սուբսիդիաները, իսկ հետո դրանք վերականգնեց»:
Արծվիկ Մինասյանի խոսքով` ոչ մի նախարար առանձին վերցրած ի զորու չէ միայնակ լուծել խնդիրները: Դա առաջին հերթին պետք է լինի կառավարության անդամների միասնականության արդյունք:
Սոնա Դավթյան