«ԻՆՉՈ՞Ւ ՀԱՅԱՍՏԱՆԸ ԵՏՄ ԿՈԼԵԳԻԱՅՈՒՄ ՈՒՆԻ ԵՐԵՔ ՆԱԽԱՐԱՐ, ԲԱՅՑ ՄԵԿ ՁԱՅՆ ՊԵՏՔ Է ՈՒՆԵՆԱ»
Ժամեր առաջ կայացավ ԱԺ ՀՀԿ խմբակցության փակ նիստը , որի մանրամասների մասին խոսեց ԱԺ ՀՀԿ խմբակցության ղեկավար ՎԱՀՐԱՄ ԲԱՂԴԱՍԱՐՅԱՆԸ` պատասխանելով լրագրողներիս հարցերին: Ինչպես նշեց պարոն Բաղդասարյանը, քննարկումը ծավալվել է ՀՀ ԵՏՄ անդամակցման մի քանի հարցերի շուրջ. «Նիստում կրկին խոսվել է այն հարցի շուրջ, թե ինչու Հայաստանը Եվրասիական տնտեսական միության կոլեգիայում ունի երեք նախարար, բայց մեկ ձայն պետք է ունենա: Եթե մենք պնդեինք, որ երեք ձայն պետք է ունենանք, այդ ժամանակ մի հինգ-վեց ամիս կրկին պետք է հետաձգվեր մեր անդամակցությունը, քանի որ լրացուցիչ քննարկումների կարիք կլիներ: Մինչեւ 2016 թվականի փետրվարն այդ կարգը կգործի, բայց դա որեւէ խնդիր չի կարող առաջացնել Հայաստանի համար: Հակառակ պարագայում, կան բողոքարկման խողովակներ, որոնք Հայաստանը կարող է օգտագործել ու հասնել հարցի` կոնսենսուսով լուծման»:
ՀՐԱՆՏ ՍԱՐԱՖՅԱՆ