ՀՅԴ ԱՆԴԱՄԸ` ՀՐԱՆՏ ՄԱՐԳԱՐՅԱՆ-ՎԻԳԵՆ ՀՈՎՍԵՓՅԱՆ
ՀԱՐԱԲԵՐՈՒԹՅՈՒՆՆԵՐԻ ՄԱՍԻՆ
Օրեր առաջ լրատվամիջոցներից մեկն անդրադարձել էր ՀՅԴ բյուրոյում լարված իրավիճակին: Մասնավորապես, ՀՅԴ Բյուրոյի ներկայացուցիչ Հրանտ Մարգարյանին փոխելու խնդիրը նորից ի հայտ է եկել. այդ պաշտոնին հավակնում է ՀՅԴ ԱՄՆ ներկայացուցիչ Վիգեն Հովսեփյանը: Դաշնակցության ներսում տիրող այս իրավիճակը, ըստ լրատվամիջոցի, պայմանավորված է Հայոց ցեղասպանության 100-ամյակի տարելիցին հավուր պատշաճի պատրաստվելու խնդրով:
ՀՅԴ անդամ Արտյուշա Շահբազյանն «Իրավունքի» հետ զրույցում ասաց, որ ինքն ամեն անհեթեթություն չի պարզաբանում: «Ես չեմ կարող այդ տեղեկատվությունը մեկնաբանել, քանի որ դա ինձ համար անհեթեթություն է»,-ասաց ՀՅԴ անդամը:
Պրն Շահբազյանի խոսքով` «այն, ինչ գրված է, իր համար անհայտ է»: Նա նման բաներ ոչ տեսել է, ոչ լսել:
Հ.Գ. Ըստ էության, Ա. Շահբազյանը չհերքեց հրապարակված տեղեկատվությունը, որը եւս մեկ անգամ փաստում է` 100-ամյակին ընդառաջ այս խմորը դեռ շատ ջուր կվերցնի:
ՍՈՆԱ ԴԱՎԹՅԱՆ