ԽԱԲՎԱԾ ՍԻՐԻԱՀԱՅԸ ԴԻՄԵԼ Է ՀՀ ՎԱՐՉԱՊԵՏԻՆ
![]()
«Իրավունքը» հուլիսի 26-ին հրապարակել էր մի հոդված` «Բարձրաստիճան որոշ պաշտոնյաների աջակցությամբ խլել են սիրիահայ կնոջ բնակարանը» վերնագրով: Հոդվախում ներկայացրել էինք Սիրիայից Հայաստան տեղափոխված Ֆրիդա Հարությունյանի բողոքը, որն ողղված էր դատաիրավական համակարգին: Հիշեցնենք`Ֆրիդա Հարությունյանի հորից`Գաբրիել Հարությունյանից ստացած Վարդաշեն 8-րդ փողոց, 58-րդ հասցեում գտնվող տունը խլել է տիկին Հարությունյանի խորթ եղբայրը`Ռոբերտ Արզումանյանը և այն կեղծիքների ու որոշ բարձրաստիճան պաշտոնյաների միջոցով սեփականաշնորհել: Ֆ. Հարությունյանը հայտարարել էր, որ պայքարելու է մինչև վերջ, մինչև արդարության հաստատումը:
Այսօր «Իրավունքի» թղթակցին Ֆրիդա Հարությունյանը հայտնեց, որ նոյեմբերի 13-ին իր բողոքը գրավոր կերպով ուղարկել է ՀՀ վարչապետ Հովիկ Աբրահամյանին ու խնդրել իրեն ընդունել: «Ես մի քանի օր առաջ իմացա, որ իմ բողոքը գրավոր կերպով ուղարկվել է ՀՀ գլխավոր դատախազին ու վճռաբեկ դատարանի նախագահին»,- տեղեկացրեց մեր զրուցակիցը:
Ֆրիդա Հարությունյանը հայտարարեց, որ պայքարելու է մինչև արդարության ու ճշմարտության վերականգնումը, այն է` իր բնակարանը ետ վերադարձնել:
ՍՈՆԱ ԴԱՎԹՅԱՆ
